दिपक न्यौपाने
बुटवल (हाम्रो खेलकुद)– लक्ष्मी हुन्डाई हुन्डाई मनाङ र्मस्याङ्दी क्लब बुटवलमा जारी तेस्रो मदन भण्डारी गोल्डकप फुटबल प्रतियोगिताको फाइनलमा पुगेको छ ।

सुजल श्रेष्ठको ह्याट्रिक र अन्जन विष्टको २ गोलको मद्दतमा साविक विजेता सुनौलो संगम रुपन्देहीलाई शनिबार ५–० ले हराउँदै मनाङले उपाधि नजिक पुगेको हो । रामनगरस्थितमानव ज्ञान माविको मैदानमा सुजलको पेनाल्टी गोलबाट मनाङले अग्रता लिएको थियो ।

२० औं मिनेटमा अन्जनले गोल गर्दै अन्तरलाई दोब्ब पारे । सुजलले ५८ औं मिनेटमा अर्को गोल गरे भने अन्जनले ६५ औं मिनेटमा गोल थपे । अघिल्लो खेलमा पनि अन्जनले २ गोल गरेका थिए । खेल सकिन १ मिनेट बाँकी रहँदा सुजलले गोल थप्दै ह्याट्रिक पुरा गरे । सुजल खेलको म्यान अफ दी म्याच घोषित भएर उनले १० हजार रुपैयाँ प्राप्त गरे ।

मनाङले रुस्लान थ्री स्टार क्लब र आयोजक मदन भण्डारी स्पोर्टस फाउन्डेसनबीचको विजेतासँग फाइनल खेल्नेछ । शुक्रबार खराब मौसमका कारण थ्री स्टार र आयोजकबीच स्थगित भएपछि त्यो खेल आइतबार हुनेछ । मोसफलको सर्वाधिक पुरस्कार राशीको विजेताले १५ लाख रुपैयाँ र दोस्रो हुने टोलीले ७ लाख ५० हजार रुपैयाँ प्राप्त गर्नेछन् ।

मदन भण्डारी गोल्डकपमा आइतबारको सेमिफाइनल

रुस्लान थ्रीस्टारविरुद्ध मदन भण्डारी स्पोर्टस एकेडेमी