न्यूयोर्क (एजेन्सी)– क्लबका नयाँ खेलाडी ज्लाटान इब्राहिमोभिच खेलका लागि अझै भोको रहेको एलए ग्यालेक्सीले दाबी गरेको छ । इब्राहिमोभिचले आफ्नोतर्फबाट सबै दिने प्रयास गरेपछि एलए ग्यालेक्सीबाट यस्तो दाबी सार्वजनिक आएको हो ।

उनले दुई वर्ष अघिनै ग्यालेक्सी आउने मन भएपछि म्यानचेस्टर युनाइटेडसँगको सम्झौताका कारण सम्भव नभएको बताएका छन् । ‘मेरो दिमागमा यो ठाँउ थियो । म आउन चाहन्थे । तर हुन सकेन,’ इब्राहिभोभिचले भने, ‘ठिकै छ । समय कहिले काही आफैले सोचे जस्तो हुदैन । तर अन्तत म यहाँ आएको छु । क्लबले बोलायो म आए ।’

३६ वर्षे उनले उमेरका कारण खासै फरक नपर्ने बताएका छन् । लामो समय घुँडाको चोटका कारण मैदान बाहिर रहेका इब्राहिमोभिचले युनाइटेडबाट यो सिजन खेल्न सकेनन् ।

‘म आफुलाई युवा सम्झन्छु । मैले एकपटक भनेको थिए । म बुढो भएर जन्मेको हु र युवा भएर मर्ने छु । त्यसैले मलाई उमेरका बारेमा चिन्ता छैन,’ उनले भने, ‘थाहा छ म ३६ वर्षको भए । जति बेलामा म इङ्ल्यान्ड गएको थिए । सबैले मलाई बुढो भनेका थिए । म ह्विलचियरमा पुगेको थिए । तीन महिना पछि सबैको धारणा बदलियो । यो खाली अंकको कुरा हो । मलाई थाहा छ के गर्न सक्छौं भन्ने । म यहाँ जित्नका लागि आएको हुँ ।’

उत्साहित इब्राहिमोभिच मैदानमा फर्कन अझै एक महिना लाग्ने क्लबले अनुमान गरेको छ ।   यद्दपी उनी शुक्रबार अभ्यासमा भने सामेल भएको थिए ।