साउ पाउलो (एजेन्सी)– ब्राजिलियन एवंम् पेरिस सेन्ट जर्मेन (पिएसजी) का सुपर स्टार नेयमारले लियोन मेस्सी र रोनाल्डोमा को उत्कृष्ट भन्नेमा धारणा सार्वजनिक गरेका छन् । त्यस्तै रियल म्याड्रिड जाने हल्लाका विषयमा पनि उनले मुख खोलेका छन् । उनले भने,‘ म यहाँ खुसी छु । अहिले छोड्ने कुनै मनसाय छैन । म यति भन्न सक्छु समयले यो सबैलाई आफै प्रष्ट हुनेछ ।’

विश्वका दुई उत्कृष्ट खेलाडी मेस्सी र रोनाल्डोले पछिल्लो एकदशक यता विश्व फुटबललाई नेतृत्व गरिरहेका छन् । दुवैले समान ५ पटक बालोन डी ओर उपाधि जितेका छन् । कुनै पनि नेयमारले उनीहरुलाई पछ्याउने अनुमान गरिएको छ । यद्दपी नेयमारले को उत्कृष्ट भन्नेमा निकै कुटनीतिक तरिकाले जवाफमा दिएका छन् ।

‘ म रोनाल्डोलाई धेरै सम्मान गर्छु । उनीले धेरै इतिहास बनाएका छन् । म जस्ताका लागि उनले कोशेढुगां सावित गरेका छन्,’ उनले भने,‘ उनले पछिल्ला १० वर्ष उच्च स्तरमा प्रदर्शन गरेका छन्, मेस्सीले जस्तै । हामी सबै उनीहरुबाट प्रेरित हुन्छौं ।’

नेयमारले सुरुवाका विषयमा पनि आफ्नो धारणा राखे । ‘रियल थ्रुपै राम्रा खेलाडी छन् । हामी रोनाल्डोमा मात्र केन्द्रित हुन हुदैन,’ उनले भने,‘ म पेरिसमा इतिहास बनाउन आएको हु । तर मेरा बारेमा अनेक हल्ला चलेका छन् । म यहाँ खुसी छु, हल्लाका बारेमा मलाई केहि भन्नु छैन ।’

२६ वर्षे सुपर स्टार खुट्टाको उपचारका क्रममा अहिले स्वदेशमा रहेका छन् । जुनमा रसियामा सुरु हुने विश्व कप अघि उनी पूर्ण रुपमा फिट हुने अपेक्षा गरिएको छ । उनले ब्राजिलियन टोलीको सफल नेतृत्व गर्ने विश्वास गरिएको छ ।