दिपक न्यौपाने
बुटवल– नेपाली राष्ट्रिय टोलीका सदस्य अन्जन विष्टले २ गोल गरेपछि बिहीबार नेपाल पुलिस क्लबलाई २–१ ले हराउँदै लक्ष्मी हुन्डाई मनाङ मस्र्याङ्दी क्लब तेस्रो मदन भण्डारी अन्र्तराष्ट्रिय गोल्डकप फुटबल प्रतियोगिताको सेमिफाइनलमा पुगेको छ ।

यो वर्ष दुई उपाधि जितेको पुलिसले मनाङविरुद्धको अग्रतालाई जोगाउन सकेन । तेज तामाङको गोलबाट पुलिसले १४ औ मिनेटमा अग्रता लिएको थियो । दोस्रो हाफमा सुधारिएको प्रदर्शन गरेको मनाङले भने ६१ औ मिनेटमा खेलमा बराबरी गरेको थियो ।

एसियन कप समूह चरणको यमनविरुद्ध अन्तिम खेल खेलेर फर्के लगत्तै अन्जनले मनाङका लागि बराबरी गोल गरे । भिक्टरको क्रसमा अनमार्क रहेका अन्जनले गोल गरेका हुन् ।अन्जनले ७५ औं मिनेटमा अर्को गोल थपेपछि मनाङ मोफसलको सर्वाधिक पुरस्का राशीको मदन भण्डारी गोल्ड कपको अन्तिम चारमा पुगेको हो ।

पुलिसका गोलरक्षक शत्रुघनले भुत्काएको बलमा अन्जनले गोल गरे । त्यहि गोल खेलको निर्णायक बन्यो । खेलको अन्त्यतिर पुलिसका रवी पासवानले एक्लैले अगाडी बढाएर गरेको प्रहार मनाङका गोलरक्षक दिनेश थापाले पन्च गरे । अन्जन खेलको म्यान अफ दी म्याच घोाष्ति भए ।प्रतियोगिताको विजेताले १५ लाख र दोस्रो हुने टोलीले ७ लाख ५० हजार रुपैयाँ प्राप्त गर्नेछ ।

मदन भण्डारी गोल्डकपमा शुक्रबार पहिलो सेमिफाइनल
रुस्लान थ्री स्टारविरुद्ध मदन भण्डारी स्पोर्टस एकेडेमी