म्याड्रिड (एजेन्सी)– जोसे माउरिन्होले रियल म्याड्रिडका गेराथ बेललाई म्यानचेस्टर युनाइटेड जान मनाएको स्पेनिस सञ्चारमाध्यमले उल्लेख गरेका छन् । पटक पटकको चोटका कारण बेलले रियलमा क्षमता अनुसारको प्रदर्शन गर्न सकेका छैनन् । जसका कारण उनी कति खेलमा पहिलो रोजाइमा पर्न असफल भएका छन् ।

यो सिजन पनि उनी १९ खेलमा मात्र पहिलो रोजाइमा पर्न सफल भएका छन् । यो सिजन उनले १२ गोल गर्नुका साथै ५ गोलमा एसिस्ट गरेका छन् । तर उनीसँग यो भन्दा बढी क्षमता रहेको विश्वास गरिन्छ । तीन पटक च्याम्पियन्स लिग उपाधि जित्दाका टोलीको महत्वपूर्ण सदस्य रहेका बेल नियमित रुपमा खेल्नका लागि रियल छाडेर युनाइटेड जान तयार भएको समाचारमा उल्लेख छ ।

युनाइटेडले वेल्सका स्टारमाथि यसअघि पनि इच्छा देखाएको थियो । यद्दपी एलेक्स सान्चेजलाई भित्राउने क्रममा युनाइटेड प्रशिक्षक माउरिन्होले फरवार्ड सरुवा पुरा भएको बताएका थिए । यद्दपी अहिले फेरि बेलमाथि उनले चासो राखेको बताइएइको छ । रियल र युनाइटेडबीच सुपर कप खेलका दौरान पनि पोर्चुगिज माउरिन्होले बेललाई सम्झाउन खोजेको बताइएइको थियो ।

चालु सिजन सकिन अब केहि महिना मात्र बाँकी रहँदा बेलको सरुवा प्रसंग चल्न थालेको छ । यसपटक ठूला खेलमा पनि बेल जिनेदिनको पहिलो रोजाइमा पुर्न सकेनन् । खेल जीवनको उच्च फर्ममा रहेका बेल बेल अझै निरन्तर खेल्ने अपेक्षासहित युनाइटेड पुगे भने त्यो स्वभाविक मानिने समाचारमा उल्लेख गरिएको छ।