7 years ago
March 28, 2018
काठमाडौं (हाम्रो खेलकुद)– कतारमा मंगलबार राती यमनसँग २–१ ले पराजित भएसँगै एएफसी एसियन कप छनोट चरणमा नेपालको यात्रा टुंगिएको छ । समूह एफमा रहेको नेपालले एक वर्षमा खेलेका ६ मध्ये कुनै पनि खेल जित्न सकेन ।
२ खेलमा बराबरी गरेको नेपालअंकतालिकाको पुछारमा रहँदै छनोट टुंगाएको छ । समूहबाट फिलिपिन्स विजेता र यमन उपविजेताका रुपमा एसियन कपमा छनोट हुन सफल भएका छन् । फिलिपिन्स १२ अंक सहित शीर्ष स्थानमा रहँदै यमन १० अंकसहित दोस्रो स्थानमा रह्यो । ७ अंक जोडेको ताजकिस्तान पनि छनोट चरणबाट बाहिरिएको छ ।
एक पटक छनोट चरणबाट बाहिरिसकेको नेपालले एएफसी सोलिडारिटी कप विजेता बनेपछि एसियन कपको छनोट खेल्ने मौका पाएको थियो । ग्वामले नखेल्ने भएपछि नेपालले मौका पाएको थियो । छनोटमा ग्वामले नखेल्ने भएपछि नेपालले छनोट खेल्ने मौका पाएको हो ।
६ खेलमा ११ गोल खायो भने मात्र ३ गोल गर्यो । विशाल राई, विमल घर्ती मगर र नवयुग श्रेष्ठले मात्र छनोटमा गोल गर्न सके । विशालले फिलिपिन्स, विमलले ताजकिस्तान र नवयुगले यमनविरुद्ध गोल गरेका थिए । फिलिपिन्ससँग दुवै खेल गुमाएको नेपालले यमन र ताजकिस्तानसँगको खेल एउटा गुमाएको थियो भने अर्कोमा बराबरी गरेको थियो ।
एसियन कप छनोट चरणमा नेपालको प्रदर्शन
१.फिलिपिन्सविरुद्ध नेपाल (अवे) २८ मार्च २०१७, ४–१ (विशाल राई)
२. नेपालविरुद्ध यमन (होम), १३ जुन २०१७, ०–०
३. नेपालविरुद्ध ताजिकिस्तान (होम), ५ सेप्टेम्बर २०१७,१–२ (विमल घर्ती मगर)
४.ताजिकिस्तानविरुद्ध नेपाल (अवे), १० अक्टोवर २०१७,३–०
५.नेपालविरुद्ध फिलिपिन्स (होम), १४ नोभेम्वर २०१७,०–०
६.यमनविरुद्ध नेपाल (अवे), २७ मार्च २०१८,२–१ (नवयुग श्रेष्ठ)
September 30, 2024
काठमाडौं (हाम्रो खेलकुद)- वर्षाका कारण आएको पहिरो परि मृत्यु भएका एन्फा एकेडेमी सिस्नेरीका ६ युवा खेलाडीको अन्तिम संस्कारका लागि प्रक्रिया अघि बढाइएको अखिल नेपाल फुटबल संघ (एन्फा) ले जनाएको छ। असोज ११ र १२ गतेको वर्षाका कारण मकवानपुर जिल्लाको इन्द्रसरोवर गाउँपालिका वडा नं ३ स्थित श्री वात्सल्य देवी उच्च माविको प्रशिक्षण केन्द्रबाट सुरक्षित स्थानतर्फ जाँदै […]
September 30, 2024
एजेन्सी – इङ्ग्लिस प्रिमियर लिग(इपिएल) म्यानचेस्टर युनाइटेड टोटनहम ह्ट्सपरसँग पराजित भएको छ । आइतवार राति भएको खेलमा युनाइटेड टोटनहमसँग ३-० ले पराजित भएको हो । इपिएलमा युनाइटेडको यो तेस्रो हार हो। युनाइटेडको मैदानमा टोटनहमलाई जित दिलाउन ब्रेनन जोनसन, डेजन कुलुसेभस्की र डोमिनिक सोन्लकेले गोल गरे । खेलको तेस्रो मिनेटमा नै जोनसनले गोल गर्दै टोटनहमलाई अग्रता […]
September 29, 2024
काठमाडौं(हाम्रो खेलकुद) – क्यानडामा जारी त्रिकोणात्मक टि ट्वान्टी आई सिरिजमा नेपालले ओमानलाई जितका लागि १ सय ७७ रनको चुनौतीपुर्ण लक्ष्य दिएको छ । क्यानडाको किंग सिटी क्रिकेट मैदानमा टस हारेर ब्याटिङको निम्तो पाएको नेपालले निर्धारित २० ओभरमा ६ विकेट गुमाएर १ सय ७६ रनको योगफल तयार गर्यो । नेपालका लागि गुलशन झाले १७ बलमा ३ […]