काठमाडौं (हाम्रो खेलकुद) – एएफसी एसियन कप छनोटको समूह ‘एफ’ अन्तर्गत अन्तिम खेलमा नेपाल यमन विरुद्ध खेल्दै छ । खेल नेपाली समय अनुसार ९ बजे सुरु हुने छ ।

समय: नेपाली समयअनुसार रातिको ९ बजे, २७ मार्च
स्थान: सुहिम बिन हमाद स्टेडियम, दोहा, कतार

छनोट हुने सम्भावना सकिएकोले यस खेल नेपालका लागि प्रतिष्ठाका लागि हुनेछ । नेपाल समूहमा आफ्नो पहिलो जितको पर्खाइमा रहेको छ । अर्को तर्फ नेपाललाई पराजित गर्दै यमन एएफसी एसियन कपमा आफ्नो स्थान सुनिश्चित गर्न चाहन्छ ।

सुरुवाती ११ मा गोलकिपरमा किरणले नै निरन्तरता पाएका छन् । त्यस्तै अनन्त तामाङ र आदित्य चौधरीले सेन्ट्रल डिफेन्सको जिम्मेवारी सम्हाने छन् । कप्तान विराज महर्जन र पुलिसका युवा खेलाडी दिनेश राजवंशी डिफेन्सको बायाँ र दायाँतिर खेल्ने छन् ।

पर्सिजा जाकार्तामा आबद्ध रोहित चन्दले डिफेन्सिभ मिडफिल्डरको भुमिका निर्वाह गर्ने छन् भने मिडफिल्डमा उनलाई मनाङका अनुभवी खेलाडी विशाल राईले साथ दिने छन् । विङमा अन्जन विष्ट र सुजल श्रेष्ठको भूमिका महत्त्वपूर्ण हुने छ भने फरवार्ड लाइन विमल घर्ती मगर र नवयुग श्रेष्ठले सम्हाल्ने छन् ।

नेपाली टोलीको सुरुवाती ११ – किरण चेम्जोङ (गोलकिपर), विराज महर्जन (कप्तान), दीनेश राजवंशी, आदित्य चौधरी, अनन्त तामाङ, रोहित चन्द, विशाल राई, अन्जन विष्ट, सुजल श्रेष्ठ, नवयुग श्रेष्ठ, विमल घर्तीमगर