7 years ago
March 27, 2018
दिपक न्यौपाने
बुटवल – विभागीय टोली एपिएफ क्लबलाई टाईब्रेकरमा पराजित गर्दै घरेलु टोली सुनौलो संगम क्लबले बुटवलमा जारी तेस्रो मदन भण्डारी अन्तर्राष्टिय गोल्डकप फुटबल प्रतियोगिताको अन्तिम चारमा स्थान सुरक्षित गरेको छ ।
मदन भण्डारी स्पोर्ट्स एकेडेमी प्रदेश नं. ५ को आयोजनामा बुटवल १२ रामनगरमा रहेको मानवज्ञान माविको खेल मैदानमा भएको क्वाटरफाइनल खेलमा विभागीय टिम एपिएफलाई पेनाल्टी सुटआउटमा ३–१ ले पराजित गर्दै सुनौलो संगमले अन्तिम चारमा स्थान सुरक्षित गरेको हो । निर्धारित सयमको खेल २–२ को बराबरीमा सकिएपछि थप गरिएको समयमा पनि गोल हुन नसकेपछि खेल टाईब्रेकरमा पुगेको थियो ।
त्यसअघि पहिलो हाफमा एपिएफले अग्रता लिएको थियो । खेलको ४३ औं मिनेटमा युवराज खड्काले उत्कृष्ट गोल गर्दै टोलीलाई अग्रता दिलाएका थिए । एक गोलले पछि परेको सुनौलो संगम दोस्रो हाफमा भने सुधारिएको खेल खेलेको थियो । खेलको ५४ औं मिनेटमा सुनौलो संगमका अमृत गुरुङले गोल गर्दै टिमलाई १–१ को स्थितीमा पुराएका थिए ।
बराबरी भएपछि निकै प्रतिस्पर्धात्मक खेलमा एपिएफका लागि खेलको ६७ औं मिनेटमा पुनः युवराज खड्काले गोल गर्दै टिमलाई २–१ को स्थितीमा पुराए । तर त्यसको ७ मिनेटमै सुनौलो संगमका आशिष गुरुङले पेनाल्टी मार्फत गोल गर्दै टिमलाई २–२ को स्थितीमा पुराए । निर्धारित ९० मिनेटको खेल बराबरी भएपछि १५ मिनेटको समय थप गरिएको थियो । सो समयमा गोल नभएपछि खेल टाईब्रेकरमा पुगेको थियो ।
प्रतियोगितामा प्रथम हुनेले नगद १५ लाख र द्वीतिय हुनेले नगद ७ लाख ५० हजार रुपैया प्राप्त गर्ने छन् । प्रतियोगितामा सेमिफाइनल पुग्ने २ टोलीले नगद १ लाख प्राप्त गर्नेछन् । त्यसैगरी सर्वोत्कृष्ट खेलाडिले मोटरसाईकल प्राप्त गर्ने आयोजकले जनाएको छ । उत्कृष्ट खेलाडि, उत्कृष्ट गोलकिपर , उत्कृष्ट गोलरक्षक, प्रशिक्षक, सर्वाधिक गोलकर्ता र उत्कृष्ट मध्यपंक्ति खेलाडिले नगद २१-२१ हजार प्राप्त गर्ने आयोजकको भनाई छ ।
१ करोड १० लाखको लागत अनुमान गरिएको प्रतियोगितामा आयोजक मदन भण्डारी स्पोर्टस, सुदुरपश्चिम कैलाली, नेपाल आर्मी, थ्रिस्टार क्लब, हिमालय एफसी मलेसिया, नेपाल पुलिस क्लब, मनाङ मस्याङदी, सुनौलो संगम, एपिएफ क्लब र झापा ११ को सहभागिता रहेको छ ।प्रतियोगिता अन्तर्गत चैत १४ गते ए डिभिजन क्लव थ्रीस्टार क्लब र विदेशी टिम हिमालय मलेसियाका बीच ३ बजे हुनेछ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]