7 years ago
March 27, 2018
काठमाडौं (हाम्रो खेलकुद) – भक्तपुरका विभिन्न तीन क्लबहरुले भक्तपुर जिल्ला फुटबल संघविरुद्ध अदालतमा दायर गरेको मुद्दा फिर्ता लिएका छन् ।
भक्तपुर फुटबल संघ, भक्तपुर युनाइटेड क्लब र सिरुटार खेलकुद केन्द्र क्लबले मंगलबार संयुक्त रुपमा पत्रकार सम्मेलन गरी भक्तपुर जिल्ला अदालतमा जिल्ला फुटबल संघविरुद्ध हालेको रिट फिर्ता लिएको जानकारी गराए । भक्तपुर जिल्ला फुटबल संघविरुद्धको रिट फिर्ता लिएपनि संघविरुद्ध सच्चाइको लडाइँमा सधै लागि रहने क्लबहरूले बताएका छन् ।
पत्रकार सम्मेलनमा क्लबहरूले संयुक्त रुपमा प्रेस विज्ञप्ति निकाल्दै नेपाली फुटबल फिफाबाट पनि निलम्वनमा पर्न सक्ने बताउदै संघविरुद्धको मुद्दा फिर्ता लिएको र निर्वाचन निर्देशिकाको पालना गरी एन्फा चुनाव गराउन सबैलाई आग्रहसमेत गरेको छ ।
‘हामीले संघविरुद्ध हालेको मुद्धाको तथ्यलाई बङ्ग्याई वास्तविक तथ्यभन्दा फरक तवरबाट एन्फाको चुनाव रोकि पाउ भनी संघका अध्यक्ष गौतम सुजखु समेतले पाटन उच्च अदालतमा मुद्धा हालेको छ ।’ भक्तपुर फुटबल क्लबका राम प्रजापतिले भने, ‘नेपाली फुटबल तथा खेलाडीको भविष्य एवम् अन्तर्राष्ट्रिय जगतमा समेत नेपाली फुटबलको छवि धमिलिएको छ । हाम्रो कारणले नेपाली फुटबल धमिलिएको हेर्न चहादैनौ । त्यसैले भक्तपुर अदालतमा चलेको निषेधाज्ञा मुद्धा आजकै मितिबाट फिर्ता लिई एन्फाको चुनाव अविलम्व गराउन आग्रह गर्दछौं ।’
भक्तपुर जिल्ला फुटबल संघले निर्वाचन निर्देशिका पालना नगरी चुनाव गराएको आरोप क्लबहरुले लगाएको छ । भक्तपुर जिल्ला फुटबल संघ नियम र नीतिगत रुपमा नचलेको र आफूहरूलाई नसमेटेको भन्दै क्लबहरूले संघको गत माघमै निर्वाचन हुनुअघि अदालतमा मुद्दा हालेका थिए । संघको चुनाव माघ ४ मा भएको थियो । निर्वाचनबाट गौतम सुजखु निर्वाचित भएका थिए ।
अखिल नेपाल फुटबल संघ एन्फाको चुनाव नजिकिँदै गर्दा भक्तपुर जिल्ला फुटबल संघका अध्यक्ष गौत्तम सुजखु र मकवानपुर जिल्ला फुटबल संघले संयुक्त रुपमा ८ चैतमा एन्फाको चुनाव रोक्न पाटन उच्च अदालतमा मुद्दा दर्ता गरेका थिए । उच्च अदालतले तत्काल चुनाव रोक्न अन्तरिम आदेश जारी गरेपछि चैत्र १४ गते हुने भनिएको एन्फाको चुनाव अन्यौलमा परेको छ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]