7 years ago
March 26, 2018
काठमाडौं (हाम्रो खेलकुद) – नेपाली खेलकुदको सर्वोेच्च निकाय राष्ट्रिय खेलकुद परिषद (राखेप) ले अखिल नेपाल फुटबल संघ (एन्फा) को बुधबारको लागि तय निर्वाचत स्थगितबारे चासो राख्दै एन्फासँग स्पष्टिकरण माग गरेको छ ।
राखेप अन्तर्गत खेलकुद विकास विभागले एन्फालाई सोमबार पत्र पठाउँदै निर्वाचन स्थगित गर्नुको कारण बारे स्पष्टीकरण सोधेको हो । एन्फाको चैत १४ का लागि तय भएको केन्द्रिय कार्यसमितिको निर्वाचन आइतबार सूचना टाँसेर स्थगित गरिएको थियो ।
‘निर्वाचन स्थगित भएकोबारे विभिन्न पत्रपत्रिका, अनलाइन, टिभी र रेडियोबाट बुझिन आएको छ । खास के भएको हो । परिषद्लाई किन जानकारी दिइएन ’ खेलकुद विकास विभागका प्रमुख कुलबहादुर थापाले पठाएको पत्रमा भनिएको छ, ‘परिषद्लाई अबिलम्ब स्पष्ट जानकारी गराउनुका साथै सम्मानित अदालतबाट भएको आदेशको समेत सम्मान हुने गरी यथाशीघ्र विवाद समाधान गरी १६ औं एन्फा कांग्रेस ९साधारण सभा० बैठक तथा कार्यकारिणी समितिको निर्वाचन सम्पन्न गर्न हुन जानकारी गराइन्छ ।’
उच्च अदालत पाटनले बिहीबार एन्फा निर्वाचन तत्कालका लागि रोक्न दिएको आदेशको सम्मान गर्दै अर्को सूचना नभएसम्मका लागि निर्वाचन स्थगित गरिएको एन्फा निर्वाचन समितिले जनाएको थियो । भक्तपुर र मकवानपुर जिल्ला फुटबल संघको तर्फबाट दायर गरेको रिटमा उच्च अदालतका न्यायाधीश राजकुमार वनको इजलासले चैत १४ लाई तय भएको एन्फाको निर्वाचन तत्काल रोक्न आदेश दिएको थियो ।
१७ सदस्यीय केन्द्रिय समितिका लागि एन्फा निर्वाचनमा वरिष्ठ उपाध्यक्ष मणी कुँवर र पूर्व उपाध्यक्ष कर्माछिरिङ शेर्पा पक्षबीच प्रतिस्पर्धा हुँदैछ । महिला सदस्य भने निर्विरोध भइसकेको छ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]