दिपक न्यौपाने
बुटवल – वर्षको सर्वाधिक सफल टोली त्रिभुवन आर्मी क्लबलाई स्तब्ध पार्दै आयोजक मदन भण्डारी स्पोर्टस एकेडेमी तेस्रो मदन भण्डारी गोल्डकप फुटबल प्रतियोगिताको सेमिफाइनलमा पुगिेको छ । बुटवलको रामनगर स्थित मानव ज्ञान माविको मैदानमा भएको खेलमा आयोजकले आर्मीलाई ३–१ ले निराश पारेको थियो ।

आर्मीका विवेक बस्नेतले १५ औं मिनेटमा गोल गदै दिलाएको अग्रतालाई टोलीले दोस्रो हाफमा जोगाउन सकेन । दोस्रो हाफमा विदेशी खेलाडी म्याक्सले २ र अब्बाले अर्को गोल गरेपछि वर्षमा ७ नकआउट फुटबल उपाधि जितेको आर्मी मदन भण्डारी गोल्डकपमा पहिलो खेलबाट बाहिरिएको छ ।

म्याक्सले ६३ औं मिनेटमा हेडमार्फत गोल गर्दै खेललाई बराबरीमा पुर्याएका थिए । म्याक्सले ६७ औं मिनेटमा हेडमार्फत अर्को गोल गरेपछि खेलमा आयोजकले अग्रता बनाएको थियो । खेल सकिन १४ मिनेट बाँकी रहँदा अब्बाले गोल गरेपछि आर्मी खेलमा फर्कन सकेन । खेलको म्यान अफ दी म्याच २ गोल गरेका म्याक्स बने र उनले १० हजार रुपैयाँ प्राप्त गरे ।

आर्मीका प्रशिक्षक नवीन न्यौपानेले पहिलो आफमा पाएको अवसरलाई सदुपयोग गर्न नसक्दा पहिलो खेलमै हार बेहाुर्न परेको बताए । आयोजक टोलीका प्रशिक्षक सुन्दर थापाले लय बिग्रिएको स्वीकार गदै भने– दोश्रो हाफमा मनोबल उच्च बनाउदै डिफेन्स र याट्याक दुवैमा सुधार गर्यो ।

मदन भण्डारी गोल्डकपमा मंगलबारको क्वार्टरफाइनल
सुनौलो संगमविरुद्ध एपिएफ