बुटवल (हाम्रो खेलकुद) – वर्षको सर्वाधिक सफल टोली त्रिभुवन आर्मी क्लबले मोसफलको सर्वाधिक पुरस्कार राशीको मदन भण्डारी गोल्डकप फुटबल प्रतियोगिताको पहिलो क्वार्टरफाइनलमा आज आयोजक मदन भण्डारी स्पोर्टस् एकेडेमीको सामना गर्दैछ ।

 

आयोजक सुदूरपश्चिम ११ लाई पराजित गर्दै अघि बढेको हो भने आर्मी सोझै अन्तिम आठमा खेल्दैछ । फागुन २८ मा झापा गोल्ड कप फुटबल प्रतियोगिताको उपाधि जितेको आर्मी त्यसयता पहिलो पटक मैदानमा उत्रदैछ । यद्दपी झापा गोल्डकपकै भोली पल्ट आर्मीको दोस्रो रोजाईको टोलीले २० औं तिलोत्तमा गोल्ड कप खेलेको थियो । जहाँ टोली पहिलो खेलमै पराजित भएको थियो ।

मदन भण्डारीसहित यो वर्ष १० लाख रुपैयाँ भन्दा बढीका ४ प्रतियोगितामध्ये २ वटा उपाधि आर्मी र एउटा उपाधि रुस्लान थ्री स्टार क्ललबे जितेको थियो । आर्मीले ११ लाख ११ हजार १ सय ११ रुपैयाँको नेपाल आइस सुदूरपश्चिम खप्तड गोल्ड कप र १२ लाख ५१ हजार रुपैयाँको झापा गोल्ड कप जितेको थियो । थ्री स्टारले १२ लाख रुपैयाँ पुरस्कारको मदन भण्डारी स्मृति इटहरी गोल्ड कप जितेको थियो ।

आर्मीले यो सिजन ७ वटा नकआउट प्रतियोगिताको उपाधि जित्दा थ्री स्टारले ३, लक्ष्मी हुन्डाई मनाङ मस्र्याङ्दी र नेपाल पुलिस क्लबले २ तथा एपिएफले एउटा उपाधि जितेका छन् । यी सबै टोली मदन भण्डारी गोल्ड कपमा सहभागी छन् । एपिएफ हिजो मात्र झापा ११ लाई हराउँदै प्रतियोगिताको अन्तिम आठमा पुगिसकेको छ ।

मदन भण्डारी गोल्ड कपको विजेताले १५, दोस्रो हुनेले ७ लाख ५० हजार तथा सेमिफाइनल पुग्ने टोलीले समान १ लाख रुपैयाँ प्राप्त गर्नेछन् । १८ गते सम्म चल्ने प्रतियोगिताको सर्वोत्कृष्ट खेलाडीले मोटसाइकल पाउनेछन् ।