लन्डन (एजेन्सी)– अन्तर्राष्ट्रिय मैत्रीपूर्ण खेल अन्तर्गत आज राति केही महत्त्वपूर्ण खेलहरु खेलिंदै छन् । आजको सबैभन्दा अपेक्षित खेल भने २०१० को विश्वकप विजेता स्पेन र २०१४ को विश्वकप विजेता जर्मनीको रहेको छ ।

आउने २०१८ को रुस विश्वकपमा शीर्ष दाबेदार ब्राजिल, स्पेन, फ्रान्स, जर्मनी र अर्जेन्टिनालाई मानिएको छ । युरोपियन च्याम्पियन पोर्चुगल पनि मैत्रीपूर्ण खेलमा बलियो खेल पस्किँदै दाबेदारको दर्जामा उभिन चाहेको छ । स्टार खेलाडीहरुले सुसज्जित इंग्ल्यान्डको टोली खेलमा तालमेल नभएको आलोचना खेप्दै आएकाले यस तीतो सत्यलाई विश्वकपमा छनोट हुन असफल नेदरल्यान्ड्स विरुद्ध आज परिवर्तन गर्ने दाउमा हुने छ ।

आज लियोनल मेस्सी सम्मिलित अर्जेन्टिना विश्वकपमा छनोट हुन असफल अर्को टोली इटालीको सामना गर्ने छ । त्यस्तै पोर्चुगल र इजिप्ट भिड्दा अहिले उच्च लयमा रहेका क्रिस्टियानो रोनाल्डो र मोहम्मद सालाह बीचको प्रतिस्पर्धा पनि हेर्नलायक हुने छ । आयोजक रुसले बलियो दाबेदार मानिएको ब्राजिलको सामना गर्दै छ । त्यस्तै स्टारहरुले भरिएको फ्रान्सले दक्षिण अमेरिकी राष्ट्र कोलम्बियाको सामना गर्दै छ ।

आजका महत्त्वपूर्ण खेलहरु र प्रसारणको विवरण:

रुस विरुद्ध ब्राजिल
नेपाली समयअनुसार ९.४५ बजे (टेन २ मा प्रत्यक्ष प्रसारण)

अर्जेन्टिना विरुद्ध इटाली
नेपाली समयअनुसार १.३० बजे (टेन १ मा प्रत्यक्ष प्रसारण)

जर्मनी विरुद्ध स्पेन
नेपाली समयअनुसार १.३० बजे (टेन २ मा प्रत्यक्ष प्रसारण)

नेदरल्यान्ड्स विरुद्ध इंग्ल्यान्ड
नेपाली समयअनुसार १.३० बजे

पोर्चुगल विरुद्ध इजिप्ट
नेपाली समयअनुसार १.३० बजे

फ्रान्स विरुद्ध कोलम्बिया
नेपाली समयअनुसार १.४५ बजे (सोनी सिक्समा प्रत्यक्ष प्रसारण)