सर्लाही (हाम्रो खेलकुद) – सर्लाहीमा बिहिवारबाट राजर्षि जनक कप फुटबल प्रतियोगितामा भारतीय क्लब स्काई क्रेस्ट ब्वाईज मुम्बई विजयी भएको छ । बागमती स्टेडियममा बिहिबार भएको उद्घाटन खेलमा स्काई क्रेस्ट ब्वाईज मुम्बईले नेपाल एपिएफ क्लबलाई सडन डेथमा ५–४ ले पराजित गर्दै विजयी सुरुआत गरेको हो ।

प्रतिस्पर्धात्मक बनेको खेलमा दुवै टोलीबाट निर्धारित समयमा गोल हुन नसकेपछि खेलको निर्णय पेनाल्टी सुटआउटबाट भएको हो । पेनाल्टी सुटआउटमा एपिएफको महेश लामाको प्रहारलाई स्काई क्रेस्ट ब्वाईज मुम्बईका गोलरक्षक भिहाङ सलुकेले रोक्दै टिमलाई क्वार्टरफाइनलमा पुर्याए । गोलरक्षक भिहाङ सलुके नै खेलको म्यान अफ दि म्याच घोषित भए ।

‘ए’ डिभिजनका ७ क्लव, बिदेश २ टोली र आयोजक एक टिम गरि १० टोली सहभागी प्रतियोगिताको फाइनल खेल चैत्र १७ गते हुने आयोजकले जनाएको छ । प्रतियोगितामा नेपाल पुलिस क्लव, त्रिभुवन आर्मी क्लव, ससस्त्र प्रहरी क्लव(एपिएफ), ब्वईज यूनियन, सुदुर पश्चिम ११, जावला खेल ११, सरस्वती क्लव ११, सर्लाही ११, भुटान ड्रग स्टार र स्काई के्रस्ट ब्वाईज मुम्बईको सहभागिता रहेको छ ।

प्रतियोगिता अन्र्तगत शुक्रबार सर्लाही–११ र भुटानको क्लव ड्रग स्टारबीच खेल हुने आयोजकले जनाएको छ । प्रतियोगिताको वजेताले नगद ५ लाख राजर्षि रनिङ कप शिल्ड, प्राप्त गर्नेछ । दोस्रो हुनेले नगद ३ लाख पाउनेछ । बिभिन्न बिधामा उत्कृष्ठ रहने खेलाडीहरुलाई समेत पुरस्कारको ब्यवस्था गरिएको छ ।
प्रतियोगिताको उद्घाटन प्रदेश नम्वर २ का सामाजिक विकास मन्त्री नवल किशोर शाहले गरेका थिए । पहिलो संस्करणमा मनाङ–मस्र्याङ्दी क्लब च्याम्पियन बनेको थियो ।