काठमाडौं (हाम्रो खेलकुद)– अखिल नेपाल फुटबल संघ (एन्फा) को केन्द्रिय सदस्यमा पेमा लामा निर्विरोध भएकी छिन् । दुई मध्ये रमा भट्टराईले आइतबार उम्मेदवारी फिर्ता लिएपछि लामा निर्विरोध भएकी हुन् । चैत १४ गते एन्फाको १ अध्यक्ष, ४ उपाध्यक्ष र ११ सदस्यका लागि निर्वाचन हुनेछ ।

राजेन्द्र न्यौपाने र अरुणमान जोशी(दाँया)

निर्वाचन नजिकिदै गर्दा उपाध्यक्षमा ९ जनाको उम्मेदवारीमात्र कायम रहेको छ । चैत १४ गते हुने निर्वाचनका लागि वरिष्ठ उपाध्यक्ष मणि कुवँर र पूर्व उपाध्यक्ष कर्मा छिरिङ शेर्पा प्यानलसहित चुनावी मैदानमा छन् । उम्मेदवारी फिर्ताको अन्तिम दिन शनिबार उपाध्यक्षका ११ उम्मेदवारमध्ये २ जनाले फिर्ता लिएका छन् । एन्फाका सह महासचिव सञ्जिव मिश्रले उम्मेदवारमध्ये राजेन्द्र न्यौपाने र अरुणमान जोशीले फिर्ता लिएको बताइएको छ । न्यौपानेले शेर्पा प्यानलबाट उम्मेदवारी दिएका थिए ।

४ उपाध्यक्षका लागि अब मोहम्मद समिउल्लाह, पंकजविक्रम नेम्वाङ, किशोर राई, गणेश बहादुर चन्द, विराटजंग शाही, सुनिल राणा, कृष्ण थापा, वीर बहादुर खड्का र उपेन्द्रमान सिंहबीच प्रतिस्पर्धा हुनेछ । संस्थापन पक्षबाट मोहम्मद समिउल्लाह, गणेश बहादुर चन्द, विराटजंग शाही, सुनिल राणा रहेका छन् । शेर्पा समूहबाट ५ जनाले उपाध्यक्षको लागि प्रतिस्पर्धा गर्ने भएको छ ।

यस्तै ११ सदस्यको पदको लागि ३५ जनाको उमेदवारी परेपनि ६ जना सदस्यले उमेदवारी फिर्ता लिएपछि २९ जनाबीच प्रतिस्पर्धा हुने भएको छ । सदस्य पदबाट उमेदवारी फिर्ता लिनेहरुमा दीपेन्द्र धिमाल, बसन्त अर्याल, बाबुबाजी बस्नेत, नेपाल कार्की, विश्व पौडेल र प्रकाश पंगेनी रहेका छन् । निर्वाचित कार्यसमितिले महासचिव र कोषाध्यक्ष मनोनयन गर्नेछन् ।

निर्वाचन एन्फासाग आबद्ध ४५ जिल्ला फुटबल संघबाट समान १ , १४ ‘ए’ डिभिजन क्लबबाट समान १ , ‘बी’ डिभिजन मध्येबाट ९,‘सी’ डिभिजन क्लबबाट ५ , महिला समिति, रेफ्री संघ, प्रशिक्षक संघ र खेलाडी संघबाट समान १ ७७ मतदाता रहेका छन् । जसमध्ये भत्तपुर जिल्ला फुटबल संघ, मकवानपुर जिल्ला फुटबल संघ र खेलाडी संघले भोट हाल्न पाउने छैनन् ।