दिपक न्यौपाने
बटुवल – आयोजक लाली रुपन्देही ११ लाई बुधबार सडन डेथमा हराउँदै नेपाल पुलिस क्लब २० औं तिलोत्तमा गोल्डकप फुटबल प्रतियोगिताको फाइनलमा पुगेको छ । गोलकिपर रोशन खड्काको उच्च प्रदर्शन र सडन डेथमा रेजिन सुब्बाको गोलबाट विजयी हुँदै पुलिस उपाधि नजिक पुगेको हो ।

पुलिस (रातो ) र आयोजक लाली रुपन्देहीबीचको प्रतिस्पर्धा । तस्बिर सौजन्य : मनोज थापा

शनिबार हुने फाइनलमा पुलिसले रुस्लान थ्री स्टार क्लब र लक्ष्मी हुन्डाई मनाङ मस्र्याङ्दी क्लब मध्ये एउटासँग प्रतिस्पर्धा गर्नेछ । देविनरस्थित एन्फा टेक्निकल सेन्टरमा निर्धारित ९० मिनेटको गोल गोलरहित बराबरीमा टुंगिएपछि खेल टाइब्रेकरमा धलेकिएको थियो ।

टाइब्रेकरमा पनि ३–३ को बराबरीपछि सडन डेथमा पुलिस भाग्यमानी बनेको थियो । पुलिसका गोलकिपर रोशनले विपक्षीका तीन वटा पेनाल्टी रोक्न पुलिसलाई अन्तिम दुईको यात्रा गराउन महत्वपूर्ण भूमिका निर्वाह गरे । सडन डेथमा पुसिका रेजिन गोल गर्न सफल भए भने रुपन्देहीबाट खेलेका झापा ११ का कर्ण लिम्बु गोल गर्न असफल भए ।

टाइब्रेकरमा पुलिसका लागि सुमन लामा, निरकुमार राई र भोला सिलवाल गोल गर्न सफल भए । तेस्रोमा पेनाल्टी हानेका अजित भण्डारीको प्रहारलाई रुपन्देहीका गोलकिपर सोजित गुरुङले रोके भने चौथोमा दीनेश राजवंशीको प्रहार बाहिरियो । उता रुपन्देहीका मनीष घले, छिरिङ गुरुङ र निशान लिम्बुले गोल गरे ।

तेस्रोमा पेनाल्टी हान्ने विश्व अधिकारी, चौथोमा हान्ने निशान लिम्बु र कर्णको प्रहारलाई पुलिसका गोलकिपर रोशनले बचाएका थिए । खेलको ६७ औं मिनेटमा पूर्णबहादुर श्रेष्ठको पासमा कर्णले गोल गर्न नसक्नु रुपन्देहीका लागि महंगो साविक भयो । पुलिसका गोलकिपर रोशन खेलको म्यान अफ दी म्याच घोषित भए । रुपन्देही जिल्ला फुटबल संघको आयोजना जारी प्रतियोगिताको विजेताले उपाधिसहित ७ लाख ७७ हजार ७ सय ७७ रुपैयाँ प्राप्त गर्नेछ ।

तिलोत्तमा गोल्डकपमा बिहीबारको सेमिफाइनल
थ्री स्टारविरुद्ध मनाङ