म्याड्रिड (एजेन्सी)– रियल म्याड्रिडका अधिकांश खेलाडी मुस्कानसहित टोलीको अभ्यासमा जुटेका छन् । फ्रान्सको राजधानीमा च्याम्पियन्स लिगको दोस्रो गोलमा पेरिस सेन्ट जर्मेन (पिएसजी) लाई हराएपछि पहिलो पटक रियलका खेलाडी अभ्यासमा जुटेका हुन् ।

जिनेदिन जिदानको टोलीले पछिल्लो खेलमा २–१ को जित हासिल गरेपछि समग्रमा ५–२ को अग्रतासहित रियल च्याम्पियन्स लिगको अन्तिम आठमा पुगेको हो । च्याम्पियन्स लिगमा एक कदम अघि बढेपछि टोली पुनः ला लिगाको चुनौतिा लागि तयारीमा जुटेको छ ।

टोलीले शनिबार इबारको सामना गर्दैछ । ५४ अंकसहित रियल तेस्रो र इबार ३९ अंकसहित आठौं स्थानमा छ । शीर्षस्थानको बार्सिलोना भन्दा रियल १५ अंकले पछाडी छ । अभ्यासमा प्रशिक्षक जिदानका छोराबाहेक सबै सामेल थिए । जिदानका छोरा लुका चोटका कारण प्रशिक्षणमा सामेल भएनन् । क्रिस्टियानो रोनाल्डो, गेराथ बेल, मार्सेलो एकअर्कासँग ठट्टा गर्दै अभ्यासमा सामेल भएका थिए ।

त्यस्तै थियो हर्नान्डेज, मार्को एसेन्सियो, लुकास भाजक्योज र सर्जियो रामोस पनि उत्तिकै उत्साहका साथ प्रशिक्षणमा सामेल भए । ला लिगामा संघर्ष गरिरहेको रियलको सकारात्मक वातावरणले सफल नजिताको अपेक्षा प्रशिक्षक जिदानले राखेका छन् ।

इबार पछिल्लो समय उच्च प्रदर्शन गरिरहेको छ । रियललाई हराउन सके टोली अर्को सिजन युरोपाका लागि छनोट हुने सम्भावनाको सुचिमा हुनेछ । पछिल्लो पटक अक्टोबरमा यी दुई टोलीबीच भेट हुँदा रियल ३–० ले विजयी भएको थियो ।