पेरिस (एजेन्सी)– पेरिस सेन्ट जर्मेन (पिएसजी) का युवा स्ट्राइकर केलियन बाप्पेले कुनै समय प्रिमियर लिगको साविक विजेता चेल्सीमा अभ्यास गरेको धेरैलाई थाहा छैन । व्यावसायिक फुटबलमा जमिसकेका बाप्पेलाई अहिले पनि चेल्सीमा बिताएका पल भने याद छन् ।

पश्चिम लन्डनको क्लबमा बिताएको समय र अनुभवका बारेमा उनले भने, ‘म अहिले पनि युवा छु । त्यति बेला सायद १० वा ११ वर्षेको थिए । म त्यति बेला एक साताको लागि लन्डन गएको थिए । ‘

इङ्ल्यान्डमा बटुलेको अनुभवका बारेमा उले थपे, ‘मैले चेल्सीमा अभ्यास गरे । चाल्टर्न एथलेटिकसँग हामीले मैत्रीपूर्ण खेल खेल्यो । त्यो खेल ६–० वा ७–० ले जितेका थियौं । म अगाडी नै खेलेको थिए । तर मलाई लाग्छ मैले गोल गरिन । देश बाहिर त्यो मेरो पहिलो अनुभव थियो । जहाँ मैले इङ्ल्यान्डको खेल बुझ्ने मौका पाएको थिए ।’

रियल म्याड्रिडसँग अन्तिम १६ मा पराजित हुँदै च्याम्पियन्स लिगबाट पराजित भएपनि पिएसजी जाने आफ्नो निर्णय सहि भएको बाप्पेले बताए । ‘मैले सहि निर्णय गरेको हु । पिएसजी ठूलो क्लब हो र उनीहरुसँग उपाधि जित्न चाहन्छन्,’ उनले भने,’ म पनि सबै उपाधि जित्न चाहन्छु । क्लब र मेरो एउटै उद्देश्य छ । त्यसैले हामी त्यो अवसर सृजनागर्न संयुक्त प्रयास गर्नेछौं ।’