पेरिस (एजेन्सी) – आज राति पार्क डेस प्रिन्सेसमा घरेलु टोली पिएसजी र साविक विजेता रियल म्याड्रिड च्याम्पियन्स लिग अन्तिम १६ को पहिलो लेगमा भिड्दै छन् । रियलले पहिलो लेग ३-१ ले जितेको थियो ।

पिएसजीले आफ्ना स्टार खेलाडी नेयमारलाई खुट्टामा चोटका कारण गुमाउने छ । उनको स्थान अर्जेन्टिनी वेंगर एन्जल डि मारियाले लिने छन् । त्यस्तै अर्का फरवार्ड किलियन बाप्पे पनि पूर्ण फिट छैनन् । उनी भने खेलमा सुरुवात गर्ने अपेक्षा गरिएको छ ।

अर्को तर्फ पाहुना टोली रियल म्याड्रिडका लागि उनका स्टार फरवार्ड क्रिस्टियानो रोनाल्डो गेटाफे विरुद्धको दुई गोलबाट ताजै छन् । उनलाई करिम बेन्जेमा र ग्यारेथ बेलले साथ दिँदा रियलको ‘बीबीसी’ लाई सुरुवाती ११ मा देखिन सम्भावना धेरै छ ।

बेलको स्थानमा लुकास भाजक्वेज वा मार्को एसेन्सियोलाई पनि प्रशिक्षक जिनेदी जिदानले रोजाईमा राख्न सक्ने छन् । खेल आज राति १.३० बजे सुरु हुने छ ।

पिएसजी सम्भावित सुरुवाती ११:
एल्फोन्से एरिओला; लेभिन कुर्जावा, थियागो सिल्भा, मार्क्विनोस, ड्यानी एल्भेस; एड्रियन राबियोट, थियागो मोट्टा, मार्को भेराइटी; एन्जल डि मारिया, एडिन्सन काभानी, किलियन बाप्पे

रियल म्याड्रिड सुरुवाती ११:
केलर नाभास; ड्यानियल कार्जाभाल, राफायल भरान, सर्जियो रामोस, मार्सेलो; लुका मोड्रिच, क्यासेमोरो, टोनी क्रुस; ग्यारेथ बेल, करिम बेन्जेमा, क्रिस्टियानो रोनाल्डो