पोखरा (हाम्रो खेलकुद) – पोखरा भेट्रान र युके भेट्रानकाबीच शनिबार मैत्रीपूर्ण फुटबल हुने भएको छ । पोखरा रंगशालामा हुने मैत्रीपूर्ण खेल बाट संकलन हुने रकम सहारा क्लब द्वारा संचालित सहारा एकेडेमीको सहयोगार्थ प्रदान गरिने छ ।

गुखार्ज भेट्रान्स युके क्लबको फुटबल टोली ।

बेलायतको दक्षिण पूर्वमा अवस्थित एफसी केन्टमा बसोबास गर्ने नेपाली हरुको क्लब गुखार्ज भेट्रान युके क्लब स्थानिय तहमा बलियो क्लबको रुपमा परिचित छ । उक्त क्लब सन् २०१४ मा स्थापन भएको थियो । बेलायत स्थित गुर्खाज भेट्रान टिमका व्यवस्थापक बद्री सुनुवारले यो प्रतियोगिताले दुवै संस्थाबीच सम्बन्ध थप बलियो बनाउन सहयोग पुग्ने बताए ।

उनले सहारा क्लबले थालेको अभियानमा आफुहरु पनि सरिक हुन पाउँदा खुसी लागेको बताउँदै आगामी दिनमा पनि सहकार्यका कार्यक्रमहरु लाई निरन्तरता दिने बताए । सहारा क्लबका अध्यक्ष केशब बहादुर थापाको अध्यक्षतामा भएको पत्रकार सम्मेलनमा सहारा युकेका सल्लाहाकार चन्द्र बहादुर गुरुङ, महासचिब विश्व राज बरालले मैत्रीपूर्ण खेलको महत्व बारे धारणा राखेका थिए ।

पोखरा भेट्रानका तर्फ बाट खेल्ने टोलीमा पूर्व राष्ट्रिय खेलाडी, खेल पत्रकार लगाएत सहभागी रहनेछन् भने टोलीको प्रशिक्षकमा किरण श्रेष्ठ छन् । एफसी केन्ट भेट्रानका खेलाडीले शुक्रबार बगर भाइ खलक संग मैत्रीपूर्ण खेल खेल्ने छ । गुर्खाज भेट्रान्स युकेले गत साता राजधानीमा नेपाली राष्ट्रिय टोलीका कप्तान राजुकाजी शाक्यको नेतृत्वमा नेसनल स्पोर्टस् सेन्टरसँगै मैत्रीपूर्ण फुटबल खेलेको थियो ।