चितवन (हाम्रो खेलकुद)– रुस्लान थ्री स्टार क्लब १३ औं टुबोर्ग विकास रनिङ शिल्ड फुटबल प्रतियोगिताको सेमिफाइनलमा पुगेको छ । नारायणगढस्थित क्याम्पाचौरमा जारी प्रतियोगितामा मंगलबार नारायणगढ फुटबल क्लबलाई ३–१ ले हराउँदै थ्री स्टार अन्तिम चारमा पुगेको हो ।

फाइल तस्बिर

पुसबाट घरेलु फुटबलमा फर्केको थ्री स्टारको जितमा विदेशी खेलाडी अजय मार्टिन्सले ह्याट्रिक पुरा गरेका थिए । नारायणगढका लागि १५ औं मिनेटमा राजेश परियारले गोल गर्दै अग्रता दिलाएपनि मार्टिन्सले २७ औं मिनेटमा बराबरी गोल गरे । उनले ३९ औं र इन्जुरी समयको दोस्रो मिनेटमा गोल गर्दै ह्याट्रिक पुरा गरे ।

नेपाल आइस सुदूरपश्चिम खप्तड गोल्ड कपमार्फत झन्डै डेढ वर्षपछि घरेलु फुटबलमा फर्केयता थ्री स्टारको यो सातौं प्रतियोगिता हो । मोफसलका ४ प्रतियोगितामा लगातार फाइनल खेलेको थ्री स्टारले २ उपाधि जितेको थियो । मदन स्मृति इटहरी गोल्डकप र धरानको बुढासुब्बा रेडबुल गोल्डकप जितेको थ्री स्टारले आहा रारा गोल्डकप र नवौं सिमरा गोल्डकपमा उपविजेताका रुपमा चित्त बुझाएको थियो । टोली खप्तड र हेटौडा गोल्डकपमा भने फाइनल पुग्न सकेन ।

थ्री स्टारले अब विकास गोल्डकपको सेमिफाइनलमा लक्ष्मी हुन्डाई मनाङ मस्र्याङ् मस्र्याङ्दीको सामना गर्नेछ । मनाङले यो सिजन चितवनमा जेसिज कप र दुहबी गोल्ड कप जितेको थियो ।

विकास रनिङ शिल्डको पहिलो सेमिफाइनल बुधबार
फ्रेन्ड्सविरुद्ध एपिएफ