बार्सिलोना (एजेन्सी)– ला लिगामा बार्सिलोनाले शनिबार राती जीरोनाविरुद्ध उच्च प्रदर्शन गर्यो । त्यो खेलमा बार्सिलोनाले ६–१ सहजै जितेको थियो । जनवरीमा लिभरपुलबाट क्लब पुगेका फिलिपे कौटिन्होले पनि गोलकर्तामा आफ्नो नाम लेखाए ।

ब्राजिलियनले बार्सिलोनाको परिस्थितिमा आफुलाई घुलमिल गर्न केहि समय लिए र सुरक्षित हुँदै खेले । कौन्टिहोले पनि आफु विस्तारै क्लबको परिस्थितिसँग घुलमिल हुँदै गएको मानेका छन् । शनिबारको खेलपछि काउटिन्होले भने, ‘बार्सिलोना फरक छ । बलसँग हामीले धेरै खेल्नु पर्ने हुन्छ । विस्तारै विस्तारै सिकिरहेको छु । मैले अझै मेहनत गर्नुपर्नेछ ।’

उनले क्लबका अर्का नयाँ खेलाडी उसमाने डेम्बेलेले पनि क्लबमा घुलमिल हुन केहि समय लिएको उल्लेख गरे । ‘डेम्बेले उत्कृष्ट खेलाडी हुन् । उनी र म यहाँ फरक पृष्ठभूमिका साथ यो क्लबमा आएका थियौं,’ काउटिन्होले भने, ‘हामीले समयसँगै सिक्दै गयौं र मेहनत गर्यौं । हामी जति सक्दो राम्रो गर्ने प्रयास गर्नेछौं ।

गिरोनासँगको खेलमा गोलका लागि लियोनल मेस्सीको सहयोग रहेको बताएका छन् । लिभरपुलबाट बार्सिलोना पुगेपछि कौटिन्होको त्यो दोस्रो गोल थियो । शनिबार बार्सिलोनाको जितमा लुइस स्वारेजले ह्याट्रिक र मेस्सीले २ गोल गरेका थिए ।