लण्डन (एजेन्सी)-  गए राति युरोपा लिगको अन्तिम ३२ को खेलमा इंग्लिस टोली आर्सनल घरेलु मैदानमा स्विडिस क्लब ओस्टरसुन्ड्ससँग २-१ ले पराजित भएपनि अन्तिम १६ को यात्रा तय गरेको छ । पहिलो लेगमा खेल ३-० ले जितेको आर्सेनलले एग्रीग्रेटमा ४-२ ले नतिजा आफ्नो पक्षमा पार्दै अर्को चरण प्रवेश गरेको हो।

स्विडेनमा भएको पहिलो लेगको खेलमा ३-० ले विजयी भएको आर्सेनलले दोस्रो लेगमा सुरुआती ११ दोस्रो रोजाईको खेलाडीहरुलाई प्रथामिकता दिएको थियो ।  खेलको २२ औ मिनेटमा भ्रमण टोलीका होसाम आइश र २३ औँ   मिनेटमा केन सोमाले गोल गरेपछि अर्सेनल २-० ले पछि परेको थियो । खेलको ४७ औँ  मिनेटमा कोलासिनाचले गोल गर्दै नतिजा २-१ बनाए ।

गए रातिनै भएको अर्को खेलमा केभिन गामियेरोको १ गोलको मदतले एफसी कोभेनहेगन विरुद्ध १-० ले जित हात पर्दै एट्लेटीकोपनि अन्तिम १६मा प्रवेश गर्न सफल भयो । एट्लेटीकोले  एफसी कोभेनहेगनलाई एग्रीग्रेटमा पनि ५-१ ले पछि पार्यो ।

अर्को खेलमा जर्मन टोली बोरुसिया डर्टमुण्डले इटालियन टोली एट्लान्टासँग १-१ को बराबरी खेलेपनि अर्को चरणमा प्रवेश गर्न सफल रह्यो ।पहिलो लेगमा घरेलु मैदानमा ३-२ ले विजयी डर्टमुण्डका लागि गए रातिको खेलमा मार्सल स्मेल्जरले गोल गरे भने घरेलु टोलीका तर्फबाट ब्राजिलियन राफेल टोलोईले गोल गरे ।