अमृत चिमोरिया
हेटौंडा – त्रिभुवन आर्मी टुबोर्ग तेस्रो हेटौंडा गोल्ड कप फुटबल प्रतियोगिताको उपाधि नजिक पुगेको छ । लक्ष्मी हुन्डाई मनाङ मस्याङ्दी क्लबलाई बुधबार १–० ले हराउँदै आर्मी फाइनलमा पुगेको हो । जर्ज प्रिन्स कार्कीले खलेको अन्तिम मिनेटमा गरेको गोलले आर्मी फाइनलमा पुग्न सफल भएको हो ।

गत महिना धनगढीमा नेपाल आइस सुदूरपश्चिम खप्तड गोल्ड कप जितेयता आर्मी केही प्रतियोगितामा कमजोर देखिएको थियो । हेटौंडापछि आर्मी मदन स्मृति इटहरी गोल्ड कप र पोखराको आहा रारा गोल्ड कपमा सेमिफाइनल पुग्न सकेन ।

तर, गत साता रुस्लान नवौं सिमरा गोल्ड कप फुटबल प्रतियोगिताको उपाधि जित्दै आर्मी पुन लयमा फर्केको छ । वर्षको सर्वाधिक सफल टोली आमीले यो सिजन ५ वटा उपाधि जितिसकेको छ । यो वर्ष हेटौडा गोल्ड कप टोलीको १० औं प्रतियोगिता हो ।

वीरगन्जमा विशाल स्मृति जित्दै अघि बढेको आर्मीले पुसमा सताक्षी गोल्डकप, मेची नेत्रालय गोल्ड जितेको आर्मीले त्यसपछि खप्तड गोल्ड कप र सिमरा गोल्ड कप जितेको थियो । खेलाडीको चोटका कारण सिमरामा भाग नलिएको मनाङ हेटौंडाबाट फर्केपछि टोली फाइनल पुग्न सकेन ।

गत वर्ष आर्मी र मनाङ नै हेटौडा गोल्डकपको फाइनल पुगेका थिए । जसमा आर्मीले सफलता प्राप्त गरेको थियो । मनाङ यो वर्ष अहिले सम्म दुईवटा उपाधिमा सन्तोष मान्नु परेको छ । भदौमा जेसिस कप जितेको टोलीले त्यसपछि दुहवी गोल्डकपको उपाधि जितेका थिए । आर्मी र मनाङले यसअघि सताक्षी, काकरभिट्टा र दुहवीमा फाइनल खेलेका थिए ।

हेटौंडा गोल्डकपको दोस्रो सेमिफाइनल बिहीबार
पुलिसविरुद्ध सिएमजी क्लब संकटा