ऐतिहासिक पाँचौ पटक फिफा ब्यालोन डो’र उपाधि जितेका लिओनेल मेस्सिलाई नेपालका प्रशिक्षक, खेलाडी र पत्रकारले पनि भोट गरेका थिए|

पुरुष तर्फको मतदानमा नेपालका प्रशिक्षक प्याट्रिक ओजेम्स, कप्तान अनिल गुरुङ्ग र खेल पत्रकार राजु घिसिङ्गले भाग लिएका थिए भने महिला तर्फ प्रशिक्षक कुमार कटवाल र कप्तान अनु लामाले मतदान गरेका थिए|

प्रशिक्षक ओजेम्सले पहिलो स्थानमा रोनाल्डो, दोश्रोमा मेस्सी र तेश्रोमा एलेक्सीस स्यान्चेजलाई मत हालेका थिए भने कप्तान अनिल गुरुङ्गले आफ्नो मतमा रोनाल्डो, मेस्सी र केभिन डे ब्रुएनलाई राखेका थिए| प्रशिक्षक तर्फ गुरुङ्गले पेप गुआड्रीओला, लुइस एन्रिके र जोर्गे साम्पाओली लाई मत दिए भने ओजेम्सले डिएगो सिमिओनी, पेप गुआड्रीओला र लुइस एन्रिकेलाई चुने|

पत्रकार घिसिङ्गले भने खेलाडीतर्फ क्रमश: मेस्सी, रोनाल्डो र आर्टुरो भिडाललाई र प्रशिक्षक तर्फ लुइस एन्रिके, जोर्गे साम्पाओली र मासीमिलानो अलेग्रीलाई मत दिए |

यसैगरी महिलातर्फ कप्तान अनु लामाले विजेता क्यर्ली लोयड, हेनरी अमानदाइन र सेलिया स्यसिचलाई मत दिएकी थिइन| प्रशिक्षक कुमार कटवालले भने क्यर्ली लोयड, सेलिया स्यसिच र हेनरी अमानदाइनलाई मत दिए| लामाले प्रशिक्षक तर्फ सासाकी नोरियो, एलिस जिल र बेल कोलिनलाई मत दिइन भने कटवालले एलिस जिल, सासाकी नोरियो र बेल कोलिनलाई मत दिए|