किरण सम्मिलित मिनेर्भा पराजित

काठमाडौं (हाम्रो खेलकुद) – जारी हिरो आइ लिग अन्तर्गत नेपाली गोलकिपर किरण लिम्बु सम्मिलित मिनेर्भा पञ्जाब गोकुलम केरलासँग १-० ले पराजित भएको छ । किरण आज टोलीको सुरुवाती ११ मै सामेल थिए ।

दोस्रो स्थानमा रहेको मिनेर्भालाई आज आठौं स्थानमा रहेको गोकुलम केरलाविरुद्ध जित दर्ता गर्दै अग्रस्थानमा उक्लिने मौका थियो । तर नतिजा सोचे अनुरुप नहुँदा मिनेर्भाको उपाधि सम्भावना केहि कम भएको छ ।

पहिलो हाफ गोलरहित भए पनि दोस्रो हाफमा गोकुलमले मिनेर्भालाई दबावमा राख्न सफल भएको थियो । पाहुना टोली गोकुलमको दुई प्रहार क्रसबारमा पनि लागेको थियो ।

तर खेलको ७५ औं मिनेटमा गोकुलमका हेनरी किसेकाको ओभरहेड किकलाई किरणले बचाऊ गर्न सकेनन् र सो गोल नै खेलमा निर्णायक सावित भयो । खेलको अन्तिम मिनेटमा किरण आफैं टोलीको कर्नरमा अगाडि बढ्दै हेडर गर्दा उनको प्रहार थोरै बाहिरिएको थियो।

यस जितसँगै गोकुलम लिगको छैटौं स्थानमा उक्लेको छ । मिनेर्भाको भने १५ खेलमा २९ अंक रहेको छ । अग्रस्थानमा रहेको निरोकाको १७ खेलमा ३१ अंक रहेको छ ।

किरण सम्मिलित मिनेर्भा पराजित

Latest News

Popular News

फुटबल

एन्फाद्वारा महिला लिग प्लेअफको समय पुन: परिवर्तन

लिभरपुल अपराजित रहँदै अन्तिम १६ मा

बार्सिलोनाको रोमान्चक जित

चर्चित खेलहरु:

उपयोगी लिङ्कहरू

सम्पर्क

सामाजिक संजाल