धरान (हाम्रो खेलकुद) – रुस्लान थ्री स्टारका मिडफिल्डर निराजन खड्काले आज सम्पन्न बुढासुब्बा रेडबुल गोल्डकप फुटबल प्रतियोगिताको उत्कृष्ट खेलाडीको उपाधि जितेका छन् ।

फाइनलमा थ्रीस्टारले नेपाल पुलिस क्लबलाई १-० ले हराउन सफल रह्यो । थ्रीस्टारका लागि अजयी मार्टिन्सले पहिलो हाफको अन्तिम समयमा गरेको गोल निर्णयक सावित भयो ।

यस जितसँगै थ्रीस्टारले सिजनको दोस्रो उपाधि जितेको छ । धनगढीमा भएको नेपाल आइस सुदूरपश्चिम खप्तड गोल्डकपमार्फत भन्डै डेढ वर्षपछि घरेलु फुटबलमा फर्केको थ्रीस्टारले यहि महिना इटहरी गोल्डकपको उपाधि उचाल्न पनि सफल भएको थियो ।

यस प्रतियोगितामा राम्रो लयमा देखिएका निराजनले उत्कृष्ट खेलाडिको उपाधि हात पारे । उनलाई २५ हजार नगद सहित यामाहाको मोटरसाईकल प्रदान गरिएको छ । उनले प्रतियोगिताभरी कुल तीन गोल पनि गरेका थिए ।

अन्य विधामा उत्कृष्ट खेलाडिहरुहरुलाई जनही २५ हजार रुपैया नगद पुरस्कार सहित ट्रफि प्रदान गरिएको छ :

उत्कृष्ट गोलकिपर – एलेन न्यौपाने (थ्री स्टार)

उत्कृष्ट डिफेन्डर – लवाल (थ्री स्टार)

उत्कृष्ट मिडफिल्डर – सुमन लामा (पुलिस)

उत्कृष्ट फरवार्ड – रेजिन सुब्बा (पुलिस)

उत्कृष्ट प्रशिक्षक – मेघराज केसी (थ्री स्टार)

उदयीमान खेलाडी – रोमन लिम्बु (धरान)