7 years ago
February 6, 2018
धरान (हाम्रो खेलकुद) – नीराजन खड्काको ह्याट्रिकबाट प्ररित रुस्लान थ्री स्टार क्लब धरानमा जारी २० औं बुढासुब्बा रेडबुल गोल्डकप फुटबल प्रतियोगिताको सेमिफाइनलमा पुगेको छ । सुदूरपश्चिम ११ लाई ४–० ले हराउँदै थ्री स्टार आहा गोल्डकप फुटबल खेलेको तीन दिन पछि बुढासुब्बाको अन्तिम चारमा पुगेको हो ।
थ्री स्टारका लागि अर्को गोल सुनिल बलले गरेका थिए । अब फाइनल प्रवेशका लागि बिहीबार थ्री स्टारले भारत कोलकाताको दुर्गापुर स्टिल एफसीको सामना गर्नेछ । दुर्गापुर आयोजक धरानलाई सडन डेथमा हराउँदै अघि बढेको थियो । अर्को सेमिफाइनल नेपाल पुलिस क्लब र सिएमजी क्लब संकटाबीच हुनेछ ।
सातौ मिनेटमा नीराजनको गोलबाट अग्रता लिएको थ्री स्टारका लागि सुनिलले ३७ औं मिनेटमा गोल गरेका थिए । ५४ औं मिनेटमा अर्को गोल गरेका नीराजनले इन्जुरी समयको तेस्रो मिनेटमा गोल गर्दै ह्याट्रिक पुरा गरे । रजिन धिमालको क्रसमा नीराजनले दोस्रो गोल गरेका थिए ।
तेस्रो गोल उनले पेनाल्टीमा गरेका थिए । पेनाल्टी बक्समा सुदूरपश्चिमका खेलाडीले बल ह्यान्ड गरेपछि थ्री स्टारले पेनाल्टी पाएको थियो । जारी प्रतियोगितामा ह्याट्रिक गर्ने नीराजन पहिलो खेलाडी समेत बनेका छन् । म्यान अफ दी म्याच नीराजनले १० हजार रुपैयाँ प्राप्त गरे । बुढासुब्बाको विजेताले उपाधिसहित ६ लाीख रुपैयाँ प्राप्त गर्नेछ । फाइनल शनिबार हुनेछ ।
तीन सातामा यो थ्री स्टारको तेस्रो नकआउट फुटबल प्रतियोगिताको सेमिफाइनल यात्रा हो । माघको १३ गते सर्वाधिक पुरस्कार राशीको मदन भण्डारी स्मृति गोल्डकपको उपाधि जितेको थ्री स्टारले शनिबार आहा रारा गोल्ड कपको फाइनल खेलेको थियो । जसमा टोली नेपाल पुलिससँग १-० ले पराजित भएको थियो ।
डेढ वर्षपछि धनगढीमा सम्पन्न नेपाल आइस सुदूरपश्चिम खप्तड गोल्ड कप फुटबल प्रतियोगितामार्फत थ्री स्टार घरेलु फुटबलमा फर्केको थियो । फर्केयताको यो थ्री स्टारको चौथो प्रतियोगिता हो । खप्तडमा भने टोली क्वार्टरफाइनलमा पराजित भएको थियो ।
तस्बिर सौजन्य : दीलिप राई
September 29, 2024
सुमन अधिकारी, बुटवल गोर्खा ब्वाइज स्पोर्ट्स क्लब बुटवल रुपन्देहीमा जारी ३६ औं झरना रनिङ्ग शिल्ड नकआउट फुटबल प्रतियोगिताको सेमिफाइनलमा प्रवेश गरेको छ । कुन्जलापुरस्थित फुटबल मैदानमा आइतवार भएको गोर्खाले योङ्ग स्टार क्लब मढाहालाई ५-३ ले पराजित गर्दै सेमिफाइनलमा पुगेको हो । लगातारको वर्षाका कारण शुक्रवार हुन नसकेको खेल आइतवार भएको थियो। खेलको ६५ औं मिनेटसम्म […]
September 29, 2024
सुशील पन्त क्षेत्री, चितवन बुटवल लुम्बिनी एफसीले गोल्डेन इमिनेन्ट दोस्रो चितवन गोल्डकपको उपाधि जितेको छ । नेपाल पुलिस क्लब काठमाडौंलाई पराजित गर्दै बुटवल लुम्बिनी च्याम्पियन बनेको हो । बुटवल लुम्बिनीले पुलिसलाई २-० ले हराएको हो । नेपाल प्रहरी शिक्षालय भरतपुरको मैदानमा आइतवार बुटवल लुम्बिनीलाई च्याम्पियन बनाउन सनिश श्रेष्ठ र आयुष घलानले गोल गरे । सनिशले […]
September 29, 2024
सुबास हुमागाईं, काठमाडौं साफ महिला च्याम्पियनसिप २०२४ का लागि एन्फाले गत साता ४० सदस्यीय नेपाली महिला राष्ट्रिय फुटबल टोलीको प्रारम्भिक छनोट घोषणा गर्यो । टोलीमा विभागीय खेलाडीको दबदबा रहेपनि कर्णाली प्रदेशबाट ३ खेलाडीले स्थान बनाए । कर्णाली प्रदेशले एन्फा महिला लिगमा सन्तोषजनक प्रदर्शन गर्दा टोलीमा महत्त्वपूर्ण प्रदर्शन गरेका कप्तान तथा गोलरक्षक लिला जोशी, डिफेन्डर तुलसा […]