धरान (हाम्रो खेलकुद) – आायोजक धरान फुटबल क्लबलाई सडेन डेथमा हराउदै कोलकाताको दुर्गापुर स्टिल एफसी २० औं बुढासुब्बा रेडबुल गोल्ड कप फुटबल प्रतियोगिताको सेमिफाइनलमा पुगिेको छ । निर्धारित र थप समयसयमा २–२ को बराबरीपछि खेल निर्णायका लागि पेनाल्टीमा पुगेको थियो ।

सडन डेथमा दुर्गापुर ४–३ ले विजयी भएको थियो । त्यसअघि पेनाल्टीमा ३–३ को बराबरी भएपछि निर्णय सडन डेथमा भएको थियो । सडन डेथमा धरान तिर्थ बस्नेत गोल गर्न असफल भएका थिए । धरान रंगशालामा भएको खेलमा आयोजक टोलीले पहिलो हाफमा दिएको अग्रता जोगाउन सकेन ।

दोस्रो मिनेटमा रोमन लिम्बुको गोलबाट धरानले अग्रता लिएको थियो भने वर्तमान राईले १६ औं मिनेटमा गोल थपे । खेलको अन्त्यतिर गोल फर्काउँदै दुर्गापुर खेलमा फर्केको थियो । ७७ औं मिनेटमा शाही केन्टले र ७८ औं मिनेटमा शुभम थापाले गोल गरेपछि खेल थप समयमा गएको थियो ।

१ सय नवौं मिनेटमाम धरानले पेनाल्टीमा गोल गर्न नसकेपछि खेल जित्ने मौका पनि गुमायो । निशान लिम्बुको पेनाल्टीलाई दुर्गापुरका गोलकिपरले जोगाए । प्रतियोगिताको पहिलो दिन लक्ष्मीह हुन्डाई मनाङ मस्र्याङ्दीलाई स्तब्ध पार्दै अर्को ए डिभिजन टोली सिएमजी क्लब संकटा सेमिफाइनल पुगेको थियो ।

प्रतियोगितामा सोमबार आहा गोल्डकप विजेता नेपाल पुलिस क्लबले काकरभिट्टा फुटबल ट्रेनिङ सेन्टरको सामना गर्नेछ । प्रतियोगिताको विजेताले उपाधिसहित ६ लाख रुपैयाँ प्राप्त गर्नेछ ।