7 years ago
February 3, 2018
पोखरा (हाम्रो खेलकुद)– नौं पटकका विजेता नेपाल पुलिस क्लब र रुस्लान थ्री स्टार क्लबबीच आज १६ औं आहा गोल्डकप फुटबल प्रतियोगिताको उपाधिका लागि भिड्दैछन् । पोखरा रंगशालामा फाइनल दिउँसो २ः०० बजे सुरु हुने आयोजक सहारा क्लबले जनाएको छ ।
प्रतियोगितामा पुलिस सर्वाधिक सफल टोली मध्येको एक हो भने थ्री स्टार दोस्रो सफल टोली हो । सहाराले २०५८ मा आयोजना गरेको क्याराभान र त्यसको आहा गोल्डकपसहित पुलिस र लक्ष्मी हुन्डाई मनाङ मस्र्याङ्दी क्लबले समान ५ टोली उपाधि जितेका छन् ।
थ्री स्टारले भने ४ पटक उपाधि जितेको छ । थ्री स्टारले आहा गोल्डकपमा खेलेका सबै ४ फाइनल जितेको थियो । त्यसबाहेक अफ्रिकन युनाइटेड र सहाराले समान १ पटक बाहेक यहाँ अर्को च्याम्पियन बन्न सकेको छैन । थ्री स्टार पुलिस दुवैले गरेर नौं पटक उपाधि जितेपनि आहा गोल्डकपको फाइनलमा भने पहिलो पटक भिड्दैछन् ।
थ्री स्टार ३ वर्षपछि र पुलिस ८ वर्षपछि फाइनल पुगेको हो । २०७१ मा पछिल्लो पटक उपाधि जितेको थ्री स्टारले गत वर्ष भने आहा लगायत घरेलु फुटबलका कुनै पनि प्रतियोगितामा भाग लिएन । नवौं फाइनल खेल्ने क्रममा रहेको पुलिसले भने पछिल्लो पटक २०६६ मा उपाधि जितेको थियो । यसपटकको विजेताले उपाधिसहित ७ लाख १ हजार र दोस्रो टोलीले ३ लाख ५१ ह्जार रुपैयाँ प्राप्त गर्नेछ ।
सिनियर खेलाडीहरुको वर्हिगमन र तत्कालिन प्रशिक्षक विराटकृष्ण श्रेष्ठले क्लब छाडेपछि पुलिस कमजोर हुँदै गएको थियो । मोसफलका अधिकांश नकआउट फुटबलमा दाबेदार मानिएको पुलिसको पछिल्ला वर्षमा उपस्थिति सहभागितामा मात्र सिमित हुन थालेको थियो । अहिले पुलिसमा युवा खेलाडीको बाहुल्यता रहेको छ । पुलिसले फेरि घरेलु फुटबलमा फर्कने संकेत दिन थालेको छ ।
यद्दपी अहिले पुलिसलाई पुरानै अवस्थाको भन्न सक्ने अवस्था बनिसकेको भने छैन । यस महिनाको सुरुआतमा दाङमा राखेप च्याम्पियन्सिप अन्तर्गत फुटबलमा स्वर्ण पदक जितेपछि पुलिस फेरि नोटिसमा आएको छ । पुलिसका प्रशिक्षक अनन्त थापा हरेक खेललाई नयाँ खेलका रुपमा हेर्ने र आफ्नो टोलीले एकपछि अर्को खेलमा सुधार गर्दै आएकोले जित्ने आशा रहेको बताएका छन् ।
थ्री स्टार झन्डै डेढ वर्षपछि फुटबलमा फर्कदा कस्तो दाबेदारी प्रस्तुत गर्ला भन्ने चासो थियो । धनगढीमा भएको नेपाल आइस सुदूरपश्चिम खप्तड गोल्ड कपबाट घरेलु फुटबलमा पुनरामगन गरेपछि त्यहाँ दोस्रो खेलमा पराजित भएको थियो । त्यसपछि टोलीले सर्वाधिक पुरस्कार राशीको मदन भण्डारी स्मृति इटहरी गोल्ड कपको उपाधि जित्दै पुरानै लयमा फर्कने संकेत गरेको छ । थ्री स्टारका प्रशिक्षक मेघराज केसी आफुहरु एउटा मात्र उपाधि जित्नका लागि मात्र नभई लामो सोचका साथ आएको र फाइनलमा जुन सुकै टोली भए पनि फरक नपर्ने बताएका छन् ।
झापा ११ लाई १–० ले हराउँदै आहा गोल्डकपको यात्रा सुरु गरेको पुलिसले क्वार्टरफाइनलमा मनाङलाई ३–१ ले र सेमिफाइनलमा धरानलाई १–० ले हराएको थियो । थ्री स्टारले फाइनल सम्मको यात्रा तय गर्ने क्रममा क्वार्टरफाइनलमा एपिएफलाई टाइब्रेकरमा र सेमिफाइनलमा बंगलादेशको उत्तर बरिन्धरालाई ५–० ले हराएको थियो ।
थ्री स्टारका गोलकिपर एलेन न्यौपानेले आहा गोल्ड कपमो यो पटक २ खेल खेल्ने क्रममा अहिले सम्म गोल खाएका छैनन् भने पुलिसका गोलकिपर शत्रुघन चौधरी र एपिएफका अमृतकुमार चाशैधरीको नाममा पनि ३ मध्ये २ खेलमा क्लिनसिट छ । पुलिसका सुमन लामा र थ्री स्टारका विश्वास श्रेष्ठ समान ३ गोलसहित सर्वाधिक गोलकर्ताको सुचिमा शीर्षस्थानमा छन् ।
September 29, 2024
सुबास हुमागाईं, काठमाडौं साफ महिला च्याम्पियनसिप २०२४ का लागि एन्फाले गत साता ४० सदस्यीय नेपाली महिला राष्ट्रिय फुटबल टोलीको प्रारम्भिक छनोट घोषणा गर्यो । टोलीमा विभागीय खेलाडीको दबदबा रहेपनि कर्णाली प्रदेशबाट ३ खेलाडीले स्थान बनाए । कर्णाली प्रदेशले एन्फा महिला लिगमा सन्तोषजनक प्रदर्शन गर्दा टोलीमा महत्त्वपूर्ण प्रदर्शन गरेका कप्तान तथा गोलरक्षक लिला जोशी, डिफेन्डर तुलसा […]
September 29, 2024
एजेन्सी – जर्मन बुन्डेसलिगामा बायर्न म्युनिख र साविक विजेता बायर लेभरकुसनले बराबरी खेलेका छन् । दुई टोलीबीचको खेल १-१ को बराबरीमा टुंगिएको हो। घरेलु मैदान एलियान्ज एरिनामा बायर्नका लागि एलेक्सजेन्डर पाव्लोभिच र लेभरकुसनका लागि रोबर्ट एन्ड्रिचले गोल गरे । खेलमा अग्रता भने पाहुना टोलीले लिएको थियो । खेलको ३१औं मिनेटमा एन्ड्रिचको गोलमार्फत लेभरकुसनले अग्रता लिएको […]
September 29, 2024
एजेन्सी – इङ्ग्लिस प्रिमियर लिग(इपिएल)मा वल्भ्सलाई पराजित गर्दै लिभरपुल शीर्ष स्थानमा उक्लिएको छ । छैटौ खेलमा पाँचौ जित हात पार्ने क्रममा लिभरपुलले शनिवार वल्भ्सलाई पराजित गरेको हो । वल्भ्सको घरेलु मैदानमा भएको खेलमा लिभरपुल २-१ ले विजयी भयो । लिभरपुलको जितमा इब्राहिम कोनट र मोहम्मद सलाहले गोल गरेका थिए। घवल्भ्सका लागि भने रायन एन्ट नुरीले […]