7 years ago
February 3, 2018
विविध सुवेदी
काठमाडौं – प्रायजसो विन्टर ट्रान्सफर विन्डोमा ठूला सम्झौताहरु भएको खासै देखिँदैन । तर यस वर्षको ट्रान्सफर विन्डो भने अपवाद रह्यो । युरोपेली शीर्ष क्लबहरु आफ्नो टोलीलाई नयाँ रुप दिने केहि ठूला ट्रान्सफर गरेका छन् । तीमध्ये ५ मुख्य ट्रान्सफर यस प्रकारका छन्:
५. भर्जिल भान डाइक
प्रिमियर लिग टोली साउथह्याम्पटनबाट ७५ मिलियन पाउन्डमा लिभरपुल पुग्दै भर्जिल भान डाइक इतिहासकै महँगा डिफेन्डर बनेका छन् । तुलात्मक रुपमा कमजोर रहेको लिभरपुलको डिफेन्सलाई भान डाइकको आगमनले बलियो पार्ने आशा गरिएको थियो ।
तर भान डाइकको उपस्थिति रहेको केहि खेलहरुमा लिभरपुलको डिफेन्स उत्तिकै कमजोर देखिएको छ । छिट्टै पुरानै लयमा फर्किँदै लिभरपुलको डिफेन्सको जिम्मेवारी भान डाइकले पूर्ण रुपमा लिने छन् भन्ने लिभरपुल प्रशंसकहरुको अपेक्षा रहेको छ ।
४. लुकास मौरा
मौरा केहि सिजनदेखि युरोपेली फुटबलमा आश गरिएको नाम हो । तर आशा गरिए जस्तो उनले पेरिस सेन्ट जर्मनमा मौका भने पाएका छैनन् । नेयमार र किलियन बाप्पेको टोलीमा आगमनले उनको खेल समयलाई असर पारेको थियो । यस ट्रान्सफर विन्डोमा मौरा २३ मिलियन पाउन्डमा टोटनह्याम पुगेका छन् ।
टोटनह्याम अग्रपंक्तिमा राम्रो देखिए पनि मिडफिल्ड र विङ्सतिर केहि कमजोर देखिँदै आएको छ । च्याम्पियन्स लिगमा राम्रो प्रदर्शन गरेको टोटनह्यामलाई मौराको आगमनले बांकी सिजनका लागि थप आयाम दिने पक्का छ ।
बोरुसिया डर्टमन्डका स्ट्राइकर पियर-एम्रिक अबामेयाङले आफूलाई युरोपमा एक भरपर्दो नामको रुपमा स्थापित गरेका छन् । यस विन्टर ट्रान्सफर विन्डोमा उनले डर्टमन्ड छोड्छन् र त्यसमाथि आर्सनल आउँछन् भन्ने कसैले सोचेकै थिएन । तर आर्सनलसँग आबद्ध हुँदै उनले आर्सनलको अग्रपंक्ति अझै बलियो बनाउने पक्का छ ।
उनी आर्सनलको इतिहासमा सबैभन्दा महँगा खेलाडि पनि हुन् । उनी आर्सनल आएपछि आर्सनलका स्ट्राइकर ओलिभर जिरु चेल्सी पुगे भने चेल्सीका स्ट्राइकर मिची ब्याटसुवायी भने डर्टमन्ड पुगे ।
२. एलेक्सिस सान्चेज / हेनरिक मिखितार्यन
यस ट्रान्सफर विन्डोको रोमाञ्चक सम्झौता एलेक्सिस सान्चेज र हेनरिक मिखितार्यनको आदानप्रदार रह्यो । सान्चेज आर्सनलमा खुसी देखिएका थिएनन् र आफ्नो सम्झौताको अन्तिम वर्षमा पनि थिए ।
अर्कोतर्फ म्यानचेस्टर युनाइटेड प्रशिक्षक जोसे मौरिन्होको रोजाईमा मिखितार्यन पर्न सकेका थिएनन् । मिखितार्यन र सान्चेजले क्लब साटासाट गर्दै आफ्नो नयाँ क्लबमा प्रभाव जमाउने होडमा छन् ।
१. फिलिप कौटिन्हो
कौटिन्हो लिभरपुलबाट बार्सिलोना सरुवा हुनु यस विन्डोको सबैभन्दा महत्त्वपूर्ण सम्झौता रह्यो । १ सय ४२ पाउन्डमा भएको यस सम्झौता विश्व फुटबल इतिहासको दोस्रो ठूलो सम्झौता पनि हो ।
बार्सिलोना अहिले लालिगाको शीर्ष स्थानमा रहेको छ । आफ्नो पहिलो सिजनमै कौटिन्होले लालिगा उपाधि जित्ने लगभग पक्का छ । आउने सिजनमा उनलाई बार्सिलोनाको मिडफिल्डमा आन्द्रेस इनिएस्टाको विकल्पका रुपमा पनि हेरिएको छ ।
September 29, 2024
सुबास हुमागाईं, काठमाडौं साफ महिला च्याम्पियनसिप २०२४ का लागि एन्फाले गत साता ४० सदस्यीय नेपाली महिला राष्ट्रिय फुटबल टोलीको प्रारम्भिक छनोट घोषणा गर्यो । टोलीमा विभागीय खेलाडीको दबदबा रहेपनि कर्णाली प्रदेशबाट ३ खेलाडीले स्थान बनाए । कर्णाली प्रदेशले एन्फा महिला लिगमा सन्तोषजनक प्रदर्शन गर्दा टोलीमा महत्त्वपूर्ण प्रदर्शन गरेका कप्तान तथा गोलरक्षक लिला जोशी, डिफेन्डर तुलसा […]
September 29, 2024
एजेन्सी – जर्मन बुन्डेसलिगामा बायर्न म्युनिख र साविक विजेता बायर लेभरकुसनले बराबरी खेलेका छन् । दुई टोलीबीचको खेल १-१ को बराबरीमा टुंगिएको हो। घरेलु मैदान एलियान्ज एरिनामा बायर्नका लागि एलेक्सजेन्डर पाव्लोभिच र लेभरकुसनका लागि रोबर्ट एन्ड्रिचले गोल गरे । खेलमा अग्रता भने पाहुना टोलीले लिएको थियो । खेलको ३१औं मिनेटमा एन्ड्रिचको गोलमार्फत लेभरकुसनले अग्रता लिएको […]
September 29, 2024
एजेन्सी – इङ्ग्लिस प्रिमियर लिग(इपिएल)मा वल्भ्सलाई पराजित गर्दै लिभरपुल शीर्ष स्थानमा उक्लिएको छ । छैटौ खेलमा पाँचौ जित हात पार्ने क्रममा लिभरपुलले शनिवार वल्भ्सलाई पराजित गरेको हो । वल्भ्सको घरेलु मैदानमा भएको खेलमा लिभरपुल २-१ ले विजयी भयो । लिभरपुलको जितमा इब्राहिम कोनट र मोहम्मद सलाहले गोल गरेका थिए। घवल्भ्सका लागि भने रायन एन्ट नुरीले […]