न्यूयोर्क (एजेन्सी)– ज्लाटान इब्राहिमोभिच मेजर लिग सकर टोली एलए ग्यालेक्समा आबद्ध हुन लागेको भन्ने हल्ला मात्र भएको टोलीका प्रशिक्षक सिगी सेचमिड्टले बताएका छन् । पछिल्लो केहि साता यता स्वीडेनका पूर्व स्टार अमेरिकी क्लबमा आबद्ध हुने चर्चा चलेको थियो । म्यानचेस्टर युनाइटेडसँगको आबद्धता ६ महिना बाँकी रहकै अवस्थामा उनी अमेरिका जाने चर्चा चलेको हो ।

युनाइटेडका प्रशिक्षक जोसे माउरिन्होले इब्राहिमोभिच जान चाहे नरोक्ने बताएका थिए । तर, ग्यालेक्सीका प्रशिक्षकले भने माउरिन्होको भन्दा भिन्न कुरा गरेका छन् । उनले इब्राहिमोभिच ग्यालेक्सी जाने हल्ला बाहेक केहि बताएका छन् ।

प्रशिक्षक सेचभिड्टले भनेका छन्, ‘विगतमा उनका बारेमा क्लबमा धेरै कुरा भएको हो । आउने दिनमा पनि हुन सक्छ । अहिले क्लबमा केहि चर्चा भएको भए हामीलाई थाहा हुन्थ्यो । अहिले यो चर्चा हल्ला मात्र हो ।’

झन्डै दुई वर्षअघि पेरिस सेन्ट जर्मेन (पिएसजी) छोड्दा इब्राहिमोभिच ग्यालेक्सी जाने सम्भावना बढेको थियो । तर, पछि उनी युनाइटेडमा आबद्ध भए र गत वर्ष उच्च प्रदर्शन गरे । इब्राहिमोभिचले गत सिजन युनाइटेडका लागि सबै प्रतियोगितामा गरि २८ गोल गरेका थिए ।

चोटका कारण भने पछिल्लो समय उनी मैदानबाट टाढै छन् । डिसेम्बरमा बनर्लीीसँग २–२ को बराबरीमा खेलेयता ३६ वर्षे इब्राहिमोभिच मैदान ओर्लेका छैनन् । अघिल्लो सिजन जुन घुडाँमा चोट लागेको थियो, यसपटक त्यसमै समस्या भएको थियो ।