दिपेन्द्र पोखरेल 

पोखरा – बंगलादेशको उत्तर बरिधारा क्लबलाई ५-० ले पराजित गर्दै रुस्लान थ्री स्टार स्टार क्लब १६ औं आहा-रारा गोल्ड कपको फाइनल प्रवेश गरेको छ । एकतर्फी खेलमा थ्री स्टारका विश्वास श्रेष्ठले ह्याट्रिक गरे ।

तस्बिर : विवेक सुवेदी / हाम्रो खेलकुद

पहिलो खेलमा रातो कार्ड पाएका दुई विदेशी खेलाडी गुमाएको वारिधारा खेलको सुरुआतबाट थ्री स्टारको दबाबमा रह्यो । खेलमा नियन्त्रण राखेपनि थ्री स्टारले पहिलो गोल गर्न ४१ औं मिनेट सम्म कुर्नु पर्यो । विष्णु गुरुङको गोलमा अग्रता लिएको थ्री स्टारले निरजान खड्काको ४५ औं मिनेटको गोलमा अग्रता दोब्बर गर्यो । दोस्रो हाफ सकिनु अघि विश्वासले गोल गर्दै थ्री स्टारलाई ३-० को अग्रता दिलाए ।

दोस्रो हाफमा ६० औं मिनेटमा निराजन खड्काको करिब २० यार्डबाटको प्रहार क्रसबारमा लागेर फर्कियो । तर विश्वासले ६६ औं मिनेटमा थ्री स्टारका लागि अर्को गोल गरे । खेलको ७५ औं मिनेटमा थ्री स्टारको पाँचौं गोल गर्दै विश्वासले आफ्नो ह्याट्रिक पुरा गरे ।

गत महिना धनगढीको खप्तड गोल्डकपबाट घरेलु फुटबलमा पुनरागमन गरेको थ्री स्टारले अघिल्लो साता इटहरीको मदन भण्डारी स्मृती गोल्ड कपको फाइनलमा मनाङलाई पराजित गर्दै उपाधि जितेको थियो ।

थ्री स्टारले फाइनलमा यो शनिबार नेपाल पुलिस क्लब र धरान फुटबल कल्बवीचको विजेताको सामना गर्नेछ । पुलिस र धरानवीचको दोस्रो सेमिफाइनल बिहिबार हुनेछ ।

प्रतियोगिताको सबै नतिजा र तालिका हेर्नुहोस