पोखरा (हाम्रो खेलकुद) – रुस्लान थ्री स्टारका प्रशिक्षक मेघराज केसीले आफ्नै क्लब व्यवस्थापन प्रति गुनासो गरेका छन् । उनको क्लब प्रतिको गुनासो विदेशी खेलाडी खेलाउन नपाउने सुचना समयमा नदिएको भन्नेमा थियो ।

सहारा क्लबको आयोजनामा पोखरामा जारी १६ औं आहा रारा कप अन्तर्गत सोमबार एपिएफसँगको क्वार्टरफाइनलमा वर्कपरमिटको म्याद सकिएका कारण विदेशी खेलाडी खेलाउन पाएन । अजयी मार्टिन, लावोल ओइलेकान र पिटर सेगन हाल थ्री स्टारको टोलीमा रहेका विदेशी खेलाडी हुन् । मार्टिन इटहरी गोल्डकपका उत्कृष्ट स्ट्राइकर हुन् ।

प्रशिक्षक केसीले केहि दिनअघि बाटै क्लबले एटेन्डमार्फत वर्कपरमिटका लागि प्रक्रिया अघि बढाएपनि सोमबारसम्म प्रक्रिया पुरा नभएको खेलपछि पत्रकार सम्मेलनमा जानकारी दिए । ‘हाम्रो अध्यक्ष ज्यू आज पनि काठमाडौंमा वर्कपरमिटको लागि प्रयास गर्दै हुनुहुन्थ्यो, तर त्यहाँको हाकिमको मिटिङ परेर हुन सकेनन् भन्ने जानकारी पाए’, उनले भने, ‘तर त्यहि कुरा पनि मैले अन्तिम समयमा पाए । त्यसले हामीले टिमको बारेमा अरु तयारी गर्न पाएनौं । त्यसमा टोलीको कमजोरी रह्यो ।’

दुई विदेशी खेलाडीको साथमा थ्री स्टारले शनिबार मात्र इटहरीमा मदन भण्डारी स्मृति इटहरी गोल्ड कपको उपाधि जितेको थियो । झन्डै डेढ वर्षपछि घरेलु फुटबलमा फर्केर दुई प्रतियोगितामा भाग लिदा थ्री स्टारले जितेको त्यो पहिलो उपाधि थियो । इटहरीबाट थ्री स्टार सोझै पोखरा पुगेर आज एपिएफविरुद्ध उत्रेको थियो । जहाँ टोली टाइब्रेकरमा विजयी हुँदै आहा राराको सेमिफाइनलमा पुगेको छ ।

हेर्नुहोस दुवै प्रशिक्षकको खेलपछिको भनाइ

थ्री स्टार प्रशिक्षक मेघराज केसी

एपिएफ प्रशिक्षक रत्न काजी महर्जन