पोखरा (हाम्रो खेलकुद) – आहा रारा गोल्ड कपको पहिलो क्वार्टरफाइनल खेलमा सुदर पश्चिम ११ स्पोर्टिड क्लब बंगलादेशी क्लब उत्तर बरिन्धारासँग २-१ ले पराजित भएको छ ।

१८ औं मिनेटमा रेफ्री श्रवन लामाले चोट बोकेपछि उनको स्थानमा खेल सम्हालेका रेफ्री सुदिसले बरिन्धाराका दुई खेलाडीलाई एक पछि अर्को गर्दै रातो कार्ड देखाएपछि खेल तनाब ग्रस्त भएको थियो । खेल अवधि भर उनले बरिन्धारालाई कुल ६ पहेलो र २ रातो कार्ड र सुदुरलाई २ पहेलो कार्ड देखाए ।

काउन्टर एट्याकमा व्यस्त देखिएको सुदुरपश्चिमले २१ औं मिनेटमा कर्नरमार्फत गोल गर्ने अवसर गुमायो । कमल थापाले प्रहार गरेको कर्नरमा सुदुरका कप्तान चेतन थारुले फ्लिक गर्दै मिलाएको बलमा राकेश हमालको हेडर नजिकबाट बाहिरियो ।

बरिन्धाराले ३५ औं मिनेटमा अर्को गोल गर्ने अवसर खेर फाल्यो । रुसलले करिब २० यार्डबाट पाएको फ्री किक वालमा सोझै लागेपछि पाएको रिबाउन्ड अन्मार्क रहेका जिन्तु मोहोम्मदले सोझै किपरको हातमा प्रहार गरे ।

५८ औं मिनेटमा मणिरामले बक्सबाट राम्रो प्रहार गरेपनि बरिन्धाराका किपरले उनको प्रहार विफल पारे । बरिन्धाराले ७४ औं मिनेटमा मिडो मासाको गोलमा अग्रता लियो । ७८ औं मिनेटमा सुदुरका धिरज गुरुङले पेनाल्टीको सदुपयोग गर्न सकेनन् । जिन्तुले आफ्नै बक्समा ह्यान्ड गरेपछि पाएको पेनाल्टीलाई धिरजले सोजे बंगलादेशी किपरको हातमा प्रहार गरे ।

बरिन्धाराका लागि स्याला सोन्लेमानेले ८३ औं मिनेटमा अग्रता दोब्बर गरेका थिए । ८८ औं मिनेटमा सुदुरका विनोद केसीले गोल गर्दै खेलमा फर्काउने प्रयास गरेका थिए । खेलको अन्तिम समयमा आक्रोशित बरिन्धाराका खेलाडीहरु विरुद्ध रेफ्री सुदीस पान्डेले कारबाही गरेपछि खेल केहीबेर प्रवाभित भयो ।

९ खेलाडीमा सिमित बरिन्धारालाई अतिरिक्त समयको केही बेर सुदुरले दबाबमा राखेपनि गोल गर्न नसकेपछी खेल बरिन्धाराले आफ्नो पक्ष्यमा पार्यो । भोलि को दोस्रो क्वाटर फाइनल खेलमा नेपाल आर्मीले घरान फुटबल क्लबको सामना गर्ने छ ।

प्रतियोगिताको खेल तालिका र अहिलेसम्मको नतिजा हेर्नुहोस