आहा राराको पहिलो क्वार्टरफाइनलमा सुदुर बंगलादेशी कल्बको समाना गर्दै

पोखरा (हाम्रो खेलकुद) – आहा रारा गोल्ड कपको पहिलो क्वार्टरफाइनल खेलमा सुदर पश्चिम ११ स्पोर्टिड क्लबले उत्तर बरिन्धारा क्लबको सामना गर्दैछ ।

प्रतियोगिताको खेल तालिका र अहिलेसम्मको नतिजा हेर्नुहोस

खप्तड गोल्डकपमा सुदुरका खेलाडी

प्रतियोगिताको पहिलो खेलमा आयोजक साहारा क्लब पोखरालाई ३-० ले हराउँदै सुदुरले अन्तिम ८ मा स्थान पक्का गरेको हो भने उत्तर बरिन्धाराले भने सोझै क्वाटरफाइनलमा स्थान पाएको हो । बरिन्धारा अघिल्लो सिजन बंगलादेशको पहिलो डिभिजनबाट रेलिगेट भएको टोली हो ।

धनगढीको खप्तड गोल्ड कपमा प्रशिक्षक ललित चन्दको प्रशिक्षणमा रहेको सुदुरमा अहिले भने उनको उपस्थिति छैन । आफ्नो प्रतिद्वन्दीको खेल थाहा नभएपनि यो खेल आफ्नो पक्षमा पार्न हर सम्भव प्रयास गर्ने सुदुरपश्चिम ११ का अध्यक्ष सुरेश हमालले हाम्रो खेलकुद डटकमलाई बताए । “पहिलो खेलमा रवाफिलो जितसँगै हामी उच्च मनोबलका साथ खेल्नेछौं ” , उनले भने , “हामीले बरिन्धाराको खेल देखेको छैनौ तर हामीले शत प्रतिशत दिएर खेल्नेछौं ।”

इटहरी गोल्ड कपमा केही क्लबहरुको व्यस्तताका काराण हिजो मात्र आहा-रारा गोल्डकपको क्वाटरफाइनल यताको तालिका सार्वजनिक गरिएको हो । खेल पोखरा रंगशालामा २:४५ मा सुरु हुनेछ । खेलको प्रत्यक्ष प्रसारण एक्सन स्पोर्ट्सले गर्नेछ ।