धरान आहा रारा गोल्डकपको क्वार्टरफाइनलमा

पोखरा (हाम्रो खेलकुद)– धरान फुटबल क्लब १६ औं आहा रारा गोल्ड कपको क्वार्टफाइनलमा पुगेको छ । पोखरा रंगशालामा आज सिक्किम युनाइटेडलाई ३–० ले हराउँदै धरान अन्तिम आठमा पुगेको हो ।

धरानको जितमा रोमन लिम्बु, सौजन लिम्बु र धिरेन लिम्बुले गोल गरे । सबै गोल दोस्रो हाफमा सम्भव भएको थियो । रोमनले ६२ औं मिनेटमा गोलको खाता खोलेका थिए । त्यसको एक मिनेट नवित्दै सौजनले गोल गरे । खेल सकिन १५ मिनेट बाँकी रहँदा धिरेनले गोथ थपे ।

धरानका निशान खेलेको म्यान अफ दी म्याच घोषित भए । पहिलो दिन आयोजक सहारा क्लब पराजित भएको थियो । आयोजकलाई हराउँदै सुदूरपश्चिम ११ स्पोर्टस क्लब क्वार्टरफाइनल पुग्ने पहिलो टोली बनेको थियो । २० गते सम्म चल्ने आहा गोल्डकपको विजेताले ७ लाख रुपैयाँ प्राप्त गर्नेछ ।

प्रातियोगिताको खेल तालिका र अहिलेसम्मको नतिजा हेर्नुहोस ।