7 years ago
January 17, 2018
पोखरा (हाम्रो खेलकुद) – सातौं रन्जित गुरुङ स्मृती बगर भाइ खलक एट ए साइड अन्तर्राष्ट्रिय भेट्रान फुटबल प्रतियोगितामा बुधबार भारतको कंचनजघा, इन्द्रेणी एकीकृत विकास केन्द्र, र दिप युनाइटेड विजयी भएका छन् । आयोजक बगर भाइखलक एले भने वाकओभर पाएको छ ।
भारत सिलिगुडीको कंचनजंघाले स्थानिय लेकसाइड पोखरालाई २–१ ले पराजित ग¥यो । कंचनजंघाका लागि विद्या राई र सुरज थापाले गोल गरे । लेक साइडका लागि पंकज घिमिरेले गोल फर्काए । विजयी टोलीका सुरज खेलको म्यान अफ दी म्याच चुनिए ।
इन्द्रेणी एकिकृतले साइनिङ सन कैलालीलाई २–१ हरायो । विजयी टोलीका राम प्रसाद गुरुङ र चित्र थापाले गोल गरे । साइनिङ सनका लागि गोल गर्ने सुमन श्रेष्ठ खेलको म्यान अफ दी म्याच घोषित भए । चितवन भेट्रानले जावलाखेल युथ क्लब काठमाडौलाई ३–० ले हरायो । चितवका रविन्द्र श्रेष्ठले २ र अर्को गोल सूर्य नारायण मानन्धरले गरे । जावलाखेलका राजकुमार केसी खेलको म्यान अफ दी म्याच छानिए ।
दिप युनाइटेडले सिमरन भेट्रान्सलाई टाइ ब्रेकरमा ३–२ ले हरायो । निर्धारित समयमा २–२ बराबरीपछि खेलको निर्णय पेनाल्टीमा भएको थियो । नियमित समयमा पनि गोल गरेका पूर्व राष्ट्रिय खेलाडी दिप युनाइटेडका वसन्त गुरुङ म्यान अफ दी म्याच चुनिए ।
बेलायतको बगर भाइ खलक युकेको टिम खेलको निर्धारित समयमा मैदानमा उपस्थित हुन नसक्दा वाक ओभरका आधारमा आयोजक बगर भाइ खलक ए विजयी बनेको छ । बगर भाइ खलक युकेको टिम हवाइ उडान ढिला भएका कारण उपस्थित हुन नसकेको आयोजकले जनाएको छ ।
४० वर्ष देखि माथी ६५ वर्ष उमेर समूहका खेलाडीको सहभागिता रहेको प्रतियोगिताको विजेता टोलीले १ लाख र दोस्रो हुने टोलीले ५० हजार रुपैयाँ प्राप्त गर्नेछ ।
October 5, 2024
काठमाडौं (हाम्रो खेलकुद) – समाज कल्याण खेलकुद केन्द्रको आयोजनामा हुँदै आएको सुजन स्मृति ६-ए साइड फुटबल प्रतियोगिता को १५औं संस्करण कार्तिक पहिलो साता हुने भएको छ । क्लबका पुराना खेलाडी सुजन गिरीको स्मृतिमा प्रतियोगिता आयोजना हुँदै आएको छ । यस वर्ष ३२ देखि ४० टोलीको सहभागिता रहने अपेक्षा क्लबले राखेको छ । नकआउट पद्दतिमा हुने […]
October 4, 2024
काठमाडौं(हाम्रो खेलकुद) – विभागीय टोली नेपाल पुलिस क्लबले एन्फा महिला लिगको पहिलो चरणको अन्तिम खेलमा जित निकालेको छ । तेस्रो स्थानमा रहँदै सुपर लिगका लागि छनोट भएको पुलिसले संकटा क्लबमाथि २-१ को जित निकाल्यो । एन्फा कम्प्लेक्स सातदोबाटोमा शुक्रवार भएको खेलमा पुलिसको जितमा अनुष्का शेर्पा र समिक्षा घिमीरेले समान १ गोल गरे । संकटाका लागि […]
October 4, 2024
काठमाडौं (हाम्रो खेलकुद) – एन्फा महिला लिगको पहिलो चरणको अन्तिम खेल आज हुँदैछ । गत साताको वर्षा र त्यसका कारण पहिरोमा परि एन्फा एकेडेमी सिस्नेरीका ६ युवाको मृत्यु भएपछि लिग स्थगित गरिएको थियो। पूर्व निर्धारित तालिका अनुसार असोज १२ गते लिगको पहिलो चरणको अन्तिम हुने थियो। पहिलो चरणको अन्तिम खेलमा दोस्रो चरणमा प्रवेश गरिसकेको विभागीय […]