लिभरपुल (एजेन्सी) – इङ्लिस प्रिमियर लिगमा म्यानचेस्टर सिटीले सिजनको सिजनको पहिलो हार बेहोरेको छ । लिभरपुलको घरेलु मैदानमा सिटी ४-३ ले पराजित भएको हो ।

घरेलु मैदान एनफिल्डमा एलेक्स ओक्स्लेट च्याम्बरलेनको शानदार गोलको मद्धतले खेलको ९ औं मिनेटमा अग्रता लिएको लिभरपुलले ४० औं मिनेटमा रक्षात्मक त्रुटीका कारण गोल खाएको थियो । लियोरी सानेलाई गोमेजले मार्क गर्न नसक्दा सानेले नियर पोस्टमा गरेको बलियो प्रहारमा लिभरपुलका किपर क्यारियास सहजै चुकेका थिए ।

दोस्रो हाफको सुरुआतमा खेल नियन्त्रणमा राखेपनि सिटी रोबर्टो फर्मिनोको गोलसँगै पुनः पछि पर्यो । च्यामबरलेनको थ्रु बलमा जोन स्टोन्सलाई शारीरिक प्रतिस्पर्धामा पछि पारेका फर्मिनोले सिटीका किपर एडेरसनमाथिबाट चिप गर्दै लिभरपुललाई ५९ औं मिनेटमा दोस्रो गोल दिलाए । गोलको खुशी मनाउने क्रममा जर्शी उतारेका उनले पहेलो कार्डको सामना गर्नुपर्यो । त्यसको १ मिनेट नबित्दै साडियो मानेको प्रहार बारमा लागेर बाहिरिएपनि ६१ औं मिनेटमा पुनः उत्कृष्ट गोल गर्दै मानेले लिभरपुललाई तेस्रो गोल दिलाए ।

लिभरपुलको आक्रमण रोकिएन , ६८ औं मिनेटमा आफ्नो पोसिसनबाट अघि बढेर सिटीको किपर एडरसनले क्लियर गर्ने क्रममा सलाहले पाएको बललाई करिब ३५ यार्डबाट गोलकिपर माथिबाट प्रहार गर्दै गोल गरे ।

सिटीले ८४ औं मिनेटमा बरनान्डो शिल्भाको गोलमा गोल अन्तर घटाए । जर्मन मिडफिल्डर गुण्डोवोनले ४ मिनेट इन्जुरीसमयको पहिलो मिनेटमा गोल गर्दै लिभरपुलमाथि दबाब कायम राखे तर सिटीलाई त्यो गोल पर्याप्त भएन । हारका बाबजुत सिटीको शिर्षस्थानमा १५ अंकको बलियो अग्रता छ भने जितसंगै लिभरपुल तेस्रो स्थानमा उक्लेको छ ।

प्रिमियर लिगको पछिल्लो खेलमा आर्सनलले १-० को अग्रता गुमाउँदै बोउर्नेमोथको घरेलु मैदानमा २-१ को हार बेहोरो । आर्सनन अंक तालिकाको छैंटौ स्थानमा छ ।

हाइलाइट्स

४-२ सम्मको गोल्हरु

४-३ गोल