दिपक बोहोरा (पाँचथर) – झापा जिल्ला फुटबल संघमा फुटबल प्रशिक्षक भगीरत आले ‘मामा’ सर्वसहमतिमा अध्यक्ष बन्नु भएको छ । शनिबार भएको जिल्ला फुटबल संघ झापाको अबिधेशनको भेलाले आलेलाई सर्वसहमतिमा अध्यक्ष छानेको हो ।

शनिबार भएको अबिधेशनबाट शेर बहादुर बस्नेत महासचिब र नेरेन्द्र मणी लिम्बुलाई कोषाध्यक्षमा सर्वसहमत चयन गरेको छ । सदस्यहरुमा जलकुमार गुरुङ, पङकज नेम्बाङ , कर्णबहादुर थापा मगर ,प्रदिप राई ,अमिरकुमार श्रेष्ठ ,टिका प्रसाई ,बुद्धराज लिम्बु र केदार चौधरीलाई चयन गरेको छ ।

शनिबारनै ताप्तलेजुङमा सर्वसहमतिमा नेतृत्व चयन गर्ने प्रयास असफल भएपछि गरिएको चुनावमा बालकुुमार साँवा अध्यक्षमा निर्वाचित भएका छन। निर्वाचनमा मोती कुमार पालङवालाई ३ मतले पराजित गर्दै साँवा अध्यक्षमा निर्वाचित भएका हुन। ११ जनाको मताधिकार भएको निर्वाचनमा साँवाको पक्षमा ७ र पालङवाको पक्षमा ४ मत आएको थियो ।

उपाध्यक्षमा नरेन्द्र लिम्बु , चन्द्र थेम्बे र हाङ नारायन लिम्बु निर्वाचित भएका छन । सदस्यहरुमा शैलेन्द्र गुरुङ, दिनेश खवास, बिजय लिम्बु, अम्बीका लिम्बु, सुरेन निरोला ,छम्बु गुरुङ, सुदिर लिम्बु, कमला लिम्बु र बिन्दु तामाङ निर्वाचित भएको जिल्ला फुटबल संघ ताप्लेजुङले जनाएको छ । संघको महासचिब र कोषाध्यक्ष भने यहि निर्वाचित कार्यसमितिले मनोनित गर्ने जनाइएको छ । छिमेकि जिल्लाहरु सबैमा अघिबेशन हुँदा पाँचथरमा भने अबिधेशन भएको छौन ।