धनगढी (हाम्रो खेलकुद) – धनगढीमा जारी नेपाल आइस सुदूरपश्चिमाञ्चल खप्तड गोल्ड कप फुटबल प्रतियोगिताको सेमिफाइनलमा आर्मीसँगको ३-१ को पराजयमा मनाङका प्रशिक्षक छिरिङ लोप्साङ गुरुङले टाइसिटलाई दोष दिएका छन् । 

हारपछि मनाङका प्रशिक्षक छिरिङ लोप्साङ गुरुङले आयोजकल बनाएको टाइसिट प्रति असन्तुष्ट जनाए । ‘हिजोको आजै खेल्नुपर्दा हाम्रा खेलाडीले थकित भएर खेल्न सकेन ।

आयोजकले टाइसिट कुन नियममा बनाएको हो ।’ प्रशिक्षक लोप्साङले भने, ‘कुनै टोलीले एक दिन खेलेर ८/९ दिनको विश्राम पाएको छ । कुनै टोलीले २४ घण्टा नबित्दै दोस्रो खेल खेल्नु परेको छ । अनि कसरी सकरात्मक नतिजा ल्याउन सकिन्छ ।

उनले शारीरिक रुपमा बलियो आर्मीविरुद्ध थकित भएका कारण अग्रता लिएर पनि हार्नु परेको बताए । मनाङले शुक्रबार अग्नि रुपन्देही–११ सँग प्रतिस्पर्धा गरेको थियो । आर्मीले बिहिबार रुस्लान थ्री स्टारलाई २–१ ले पराजत गरेको थियो ।

जितपछि आर्मीका प्रशिक्षक नवीन न्यौपानेले खेलाडीको मिहेनतका कारण जित हात पार्न सकिएको बताए । ‘शुरुमै गोल खाएपनि समयमै गोल फर्काउन सक्दा खेलाडीमा मनोवल बढ्यो । मनाङ थकित भएको मौकाको फाइदा उठाउन सफल भयौ ।’ प्रशिक्षक न्यौपाने भने, ‘फाइनलमा जुन टोली आएपनि जितको लागि खेल्ने हाम्रो लक्ष्य हुनेछ ।’

आर्मीका प्रशिक्षक नविन न्युपाने

मनाङका प्रशिक्षक छिरिङ लोप्साङ