7 years ago
January 8, 2018
काठमाडौं (हाम्रो खेलकुद) – ‘ए’ डिभिजनको सफल र चर्चित क्लब रुस्लान थ्री स्टार क्लबले करिब १४ महिनापछि घरेलु फुटबलमा पुनरागमन गर्दैछ ।
पुनरागमनको पहिलो खेलमा थ्री स्टारले मोफसलको सफल टोली झापा–११ सँग धनगढीमा जारी ‘नेपाल आइस सुदूरपश्चिम खप्तड गोल्ड कप’ मा प्रतिस्पर्धा गर्दैछ । खप्तड गोल्ड कपको लागि थ्री स्टार गत बिहिबार नै धनगढी प्रस्थान गरेको थियो ।
खप्तडको तयारीका लागि थ्री स्टारले मंसिर अन्तिम साताबाट प्रशिक्षण थालेको थियो । थ्री स्टारले आफ्नो केही पुराना खेलाडीलाई यथावत राख्दै राष्ट्रिय टोलीका स्टार विमल घर्तीमगर र अनन्त तामाङलाई पनि क्लबमा अनुबन्ध गरेको छ । अनुभवी र केही नयाँ खेलाडी लिएर टिम निर्माण गरेको थ्री स्टार आफ्नो पुरानो छवि फर्काउने लक्ष्यसहित मैदान उत्रनेछ ।
थ्री स्टार क्लबका मुख्य प्रशिक्षक मेघराज केसीले प्रतियोगिताको बिदाईमा टिम सन्तुलित रहेको बताए । ‘यो भन्दा अघि थ्री स्टार कस्तो थियो सबैलाई थाहा छ । भोलिको दिनमा पनि थ्री स्टार उत्तिकै सशक्त भएर आउनेछ ।’ प्रशिक्षक केसीले भने, ‘क्लबको एक वचनमा पुराना खेलाडीहरु टिममा फर्केका छन् । यो खेलाडीको क्लबप्रतिको समर्पण हो । यसबाहेक यू–१९ का केही र तीन विदेशी खेलाडी हामीसँग छ । हामी समर्थकलाई निराश नपार्ने र बलियो चुनौति दिने गरि तयारी अघि बढाउने प्रयासमा छौं ।’
थ्री स्टारका कप्तान विक्रम लामाले पनि बिदाई कार्यक्रममा थ्री स्टार फुटबलमा फर्किँदा उत्साहित रहेको बताए । ‘यो १४ महिनाको बीचमा हामीले अलग-अलग क्लबबाट खेल्यौं । सबै आर्थिक तवरबाट खेल्यौँ । आफ्नै क्लबबाट खेलेको जस्तो कहिल्यै भएन । यसरी डुलेर खेलेर आत्मसन्तुष्टी पाउन नसकिने रहेछ ।’
कप्तान विक्रमले भने, ‘अब फेरि हामी आफ्नो क्लबबाट खेल्दैछौं । सफल इतिहास भएको क्लबको प्रतिष्ठालाई अझै बढाउने हाम्रो प्रयास हुनेछ ।’ यस्तै कप्तान विक्रमले खेल्ने वातावरण सिर्जना गरिदिएकोमा क्लबप्रति आभार व्यक्त गर्दै अब खेल, क्लब र सम्पूर्ण फुटलबकको लागि हुने बताए ।
थ्री स्टारमा कप्तान विक्रम लामासहित निराजन खड्का, गोलकिपर एलन न्यौपाने, विजय धिमाल, रेजिन धिमाल, विदेशी खेलाडी पिटर, मार्टिन र लावल जस्ता खेलाडी रहेका छन् । राष्ट्रिय टोलीका दुई स्टार विमल घर्ती मगर र अनन्त तामाङलार्ई पनि थ्री स्टारले ६ महिनाको सम्झौता गरेको छ । विमलले यसअघि थ्री स्टारबाट खेलसिकेका छन् भने, अनन्त तामाङ, विश्वास श्रेष्ठ, पूर्ण चेम्जोङले थ्रीस्टारबाट डेब्यु गर्नेछन् ।
January 20, 2025
काठमाडौं (हाम्रो खेलकुद)- एन्फा महिला लिगको अन्तिम चरणको सातौं खेलमा पनि एपिएफ फुटबल क्लबले विजय यात्रालाई जारी राखेको छ। सातदोबाटोस्थित एन्फा कम्प्लेक्सको मैदानमा सोमवार भएको खेलमा शीर्ष टोली एपिएफले अर्को विभागीय टोली नेपाल पुलिस क्लबलाई २-० ले हराएको छ। एपिएफका लागि रश्मिकुमारी घिसिङ र अनिता केसीले गोल गरे। दुवै गोल हेडमा भएको थियो। दुवै गोलमा […]
January 20, 2025
काठमाडौं(हाम्रो खेलकुद) – एन्फा यु १६ लिगमा आज २ खेल भएका छन् । सातदोबाटो स्थित एन्फा कम्प्लेक्सको मैदानमा सोमवार संकटा फुटबल क्लब र मछिन्द्र फुटबल क्लब विजयी भएका छन् । पहिलो खेलमा मछिन्द्रले सातदोबाटो युथ क्लबलाई २-० ले पराजित गर्यो । मछिन्द्रको जितमा दुवै गोल राहुल कुमार योञ्जनले गरे । दोस्रो खेलमा संकटाले हिमालयन शेर्पा […]
January 20, 2025
एजेन्सी – इंग्लिस प्रिमियर लिगमा आइतवार म्यानचेस्टर सिटीले फराकिलो जित हासिल गरेको छ। अर्को खेलमा म्यानचेस्टर युनाइटेड पराजित भएको छ । सिटीले इप्स्विच टावनलाई ६–० ले हरायो । इप्स्वीचको मैदानमा भएको खेलमा सिटीलाई जित दिलाउन फिल फोडेनले २, माटेओ कोभासिक, जेरेमी डोकु, एर्लिङ हाल्यान्ड र जेम्स म्याकअटीले समान १ गोल गरे । सिटीका फोडेनले २७औं […]