म्यानचेस्टर (एजेन्सी) – प्रिमियर लिगमा उत्कृष्ट लयमा रहेको म्यानचेस्टर सिटी आज इङ्ग्लिस एफए कपमा बर्नलीको सामना गर्दै छ । सिटीको घरेलु मैदान एटिहाड स्टेडियममा खेलिने सो खेल नेपाली समयअनुसार बेलुकाको ८.४५ बजे सुरु हुने छ ।

म्यानचेस्टर सिटीका प्रशिक्षक पेप ग्वार्डिओलाले आफ्ना केहि महत्त्वपूर्ण खेलाडिहरुलाई विश्राम दिने देखिन्छ । त्यसैले सिटीको सुरुवाती ११ मा केहि नयाँ नाम पनि देखिने सम्भावना छ । गोलकिपर क्लाउडियो ब्राभो, युवा खेलाडी ब्राहिम डियाज र मिडफिल्डर याया टुरेले आज टोलीमा स्थान बनाउने देखिन्छ ।

त्यस्तै बर्नलीका लागि रोबि ब्राडि र टम हिटन घाइते छन् भने क्रिस वुड र स्टेफेन वार्ड खेल्ने अनिश्चित छ । सिटीले बर्नलीसँगका पछिल्ला ३ खेलमा सबैमा जित हांसिल गरेको छ ।

आजका एफए कपका महत्त्वपूर्ण खेलहरु:

फ्लिटवुड विरुद्ध लेस्टर सिटी – ६.३० बजे

मिडल्सब्रो विरुद्ध सन्डरल्यान्ड – ६.४५ बजे

वाटफोर्ड विरुद्ध ब्रिस्टोल – ८.४५ बजे

कोभेन्ट्रि विरुद्ध स्टोक – ८.४५ बजे

बोल्टन विरुद्ध हडर्सफिल्ड – ८.४५ बजे

न्युकासल युनाइटेड विरुद्ध लुटन – ८.४५ बजे

बोर्नमथ विरुद्ध विगन – ८.४५ बजे

वुल्भरह्याम्प्टन विरुद्ध स्वान्सि – ८.४५ बजे

नर्विच विरुद्ध चेल्सी – ११.१५ बजे