काठमाडौं (हाम्रो खेलकुद) — नेपाली राष्ट्रिय फुटबल टोलीका मिडफिल्ड रोहित चन्द पुनःले इन्डोनेसियाली क्लब पर्सिजा जाकार्तासँगमा आबद्ध भएका छन् । एक वर्ष (सन् २०१८) का लागि रोहित र क्लबबीच आज मात्र सम्झौता भएको उनका दाजु रोविनले जानकारी दिएका छन् । सौम्झौताका लागि रोहित यहि साता इन्डोनेसिया पुगेका थिए । चोटमुक्त भएर लामो समयपछि गत वर्ष मैदान फर्केको केहि समयमै रोहिच इन्डोनेसियाको पहिलो श्रेणीको क्लब पर्सिजा पुगेका थिए ।

 

गत सिजन उनले उच्च प्रदर्शन गरेकी कारण यसपटक पनि निरन्तरता दिएको बताइएको छ । यसअघि दुई सिजन रोहितले सोहि क्लबमा बिताइसकका छन् । अघिल्लो वर्ष जस्तै रोहितको सम्झौता रकम अहिले पनि गोप्य राखिएको छ । सन् २०१६ को सुरुवातमा मलेसियाको टि टिम एफसीमा हुँदा घाइते भएपछि रोहित झन्डै एक वर्ष मैदान बाहिर रहेका थिए ।

गत वर्ष माघमा पोखरामा भएको आहा रारा गोल्ड कपमा लक्ष्मी हुन्डाई मनाङ मस्र्याङ्दीबाट पुनरागमन गरेका थिए । त्यसको केहि समयपछि नै उनी जाकार्ता पुगेका थिए । अर्को तिर लगत्तै उनले राष्ट्रिय फुटबल टोलीमा पनि पुनरागमन गरेका थिए ।

गत सिजन इन्डोनेसिया लिगको चौथो स्थानमा रहेको पर्सिजाले यो सिजनको एएफसी कपको समूह चरणमा सोझै प्रवेश पाएको छ । त्यहाँको लिग विजेता भयंकाराले एएफसीको क्लब लाइसेन्स प्राप्त नगरेपछि पर्सिजाका लागि अवसर मिलेको हो ।

जाकार्ताबाट खेल्दा गत सिजन रोहितको प्रदर्शन स्तरीय रहेको थियो । उनी त्यहाँको लिगको पटक पटक साताको उत्कृष्ट खेलाडीको सुचिमा समेत परेका थिए । पछिल्लो पटक लिगमा टोलीको एक खेल बाँकी रहँदै नेपाली टोलीको खेल परेका कारण रोहित स्वदेश फर्केका थिए ।