म्याड्रिड (एजेन्सी)– रियल म्याड्रिडका सुपर स्टार क्रिस्टियानो रोनाल्डोले यो वर्ष बलोन डी’ओर अवार्ड जितिसकेका छन् । त्यो उनको पाँचौं बलोन डी’ओर उपाधि हो । तर म्याड्रिडबाट प्रकाशित हुने पत्रिका मार्साले गरेको सर्वेक्षणमा भने बार्सिलोनाका सुपर स्टार लियोनल मेस्सी सन् २०१७ को उत्कृष्ट फुटबल खेलाडी रहेको देखाएको छ ।

सर्वेक्षणको आधार भनेको उपाधि भन्दा पनि व्यक्तिगत प्रदर्शन रहेको छ । त्यस सर्वेक्षणमा मेस्सीलाई रोनाल्डो भन्दा अगाडि देखिएका छन् । रोनाल्डोले २०१७ मा गोल्डेन बल र फिफा वेस्ट अवार्ड समेत जितेका थिए ।

अघिल्लो वर्ष बार्सिलोनाले च्याम्पियन्स लिग जित्न असफल रहेपनि मेस्सीले भने ला लिगामा ३७ र सबै प्रतियोगितामा गरि ५४ गोल गरेका थिए । चौथो पटक गोल्डेन बुटको अवार्ड जितेका मेस्सीलाई रोनाल्डो भन्दा क्षमता र भिजनका हिसाबले पनि उत्कृष्ट मानिएको छ ।

मार्काले जारी गरेको २०१७ का उत्कृष्ट खेलाडीको सुची
-लियोनल मेस्सी (बार्सिलोना)
-क्रिस्टियानो रोनाल्डो (रियल म्याड्रिड)
-इस्को (रियल म्याड्रिड)
-ह्यारी केन (टोटेनह्याम )
-लुका मोड्रिच (रियल म्याड्रिड)
-किलियन बाप्पे (पेरिस सेन्ट जर्मेन)
-जियालुइजी बुफोन (युभेन्ट्स)
-नेयमार (पेरिस सेन्ट जर्मेन)
-सर्जियो रामोस (रियल म्याड्रिड)
-केभिन डी ब्रुयन (म्यानचेस्टर सिटी)