काठमाडौं (हाम्रो खेलकुद) – नेपाली महिला फुटबलमा गोल मेसिनको उपमा पाएको सावित्रा भण्डारीले सोमबार अर्को कीर्तिमान बनाएकी छिन् । राखेप च्याम्पियनसिप अन्र्तगतको १६ औं महिला राष्ट्रिय फुटबल लिग अन्र्तगतको खेलमा सावित्रा एक्लैले १२ गोल गरेको खेलमा नेपाल एपीएफ क्लबले मध्यपश्चिमलाई २६–० को फराकिलो जित अन्तरले हराएको छ ।

बल अघि बढाउँदै एपिएफकी सावित्रा भण्डारी (रातो जर्सी)।

खेलको तेस्रो, १५, १७ औं मिनेटमा गोल गर्दै पहिलो ह्याट्रिक पुरा गरेकी सावित्राले २४, ३४ र ४० औं मिनेटमा गोल थप्दै दोस्रो ह्याट्रिक गरिन् । त्यस्तै ४७, ५२ र ५९ औं मिनेटमा तेस्रो ह्याट्रिक गरेका सावित्राले ६०, ७७ र इन्जुरी समयमा गोल गर्दै चौथो ह्याट्रिक पुरा गरिन् । एपिएफका लागि खेलमा अनिता केसीले ५, अन्जली योन्जनले ४, रेखा पौडेलले २ तथा अनिता बस्नेतले १ गोल थपिन् ।

आजको अर्को खेलमा त्रिभुवन आर्मी क्लबले पश्चिमाञ्चललाई १२–० अन्तरले पराजित ग¥यो । आर्मीको जिता दीपा राईले ५, कप्तान कृष्णा खत्रीले ३ इन्दिरा राईले २ तथा पुजा राना र शर्मिला थापाले समान १ गोल गरिन् । लिग अन्र्तगत मंगलबार पनि दुई खेल हुदैछ । पहिलो खेलमा नेपाल पुलिस र सुदूरपश्चिम तथा दोस्रो खेलमा पूर्वाञ्चल र मध्यमाञ्चलबीच खेल हुनेछ ।

भिडियो