7 years ago
December 31, 2017
दिपक बोहोरा
पाँचथर – सुनसरी ११ ले नवौं रुस्लान फाल्गुनन्द गोल्ड कप फुटबल प्रतियोगिताको उपाधि जितेको छ । मोरङ ११ लाई २–० ले हराउँदै सुनसरी च्याम्पियन बनेको हो । सुनसरीलाई जित दिलाउन तीर्थ बस्नेत र सुरज सुनुवारले गोल गरे ।
रेफ्रीका रुपमा फिफा रेफ्री लव खत्रीको अन्तिम खेलका रुपमा रहेको फाइनलमा खेलको अन्त्यतिर गोल भएको थियो । तीर्थले ६७ औं मिनेटमा गोल गर्दै सुनसरी अघि बढाएका थिए । सैजन याख्खाको कर्नरमा आएको बलमा तीर्थ गोल गरेका हुन् । खेल सकिन ४ मिनेट बाँकी रहँदा सुरजले गोल गरे । सैजनकै कर्नरमा सुरजले गोल गरेका थिए ।
सुनसरीले खेलको तेस्रो मिनेटमै गोल गर्ने अवसर पाएको थियो । हेमन्त थापाको फ्रिकिक बारमा लागेर फर्केपछि सुरुआतमै अग्रता लिने सुनसनरीको अवसर खेर गएको थियो । सोही टोलीका निशान लिम्बुले सातौं मिनेटमा गोल गर्ने अवसर पनि उपयोग गर्न सकेनन् ।
३२ औं मिनेटमा सुनसरीका हेमन्त फ्रिकिकलाई मोरङका किपर सूर्य अधिकारीले रोकेका थिए । मोरङका बुद्धिमान राईले दुई पटक सम्म गोल गर्ने मौका पाए, तर सफल भएनन् । ११ औं मिनेटमा अवसर खेर फालेका बुद्धिमानको ७५ औं मिनेटमा गरेको प्रहार बारमा लागेर फर्केको थियो ।
सुनसरीका सुरज सुनार फाइनलको म्यान अफ दी म्याच घोषित भए र उनले १० हजार रुपैयाँ प्राप्त गरे । मोरङका प्रशिक्षक मनीष तिमल्सिनाले थोरै अवसर पाएको र त्यसलाई पनि खेर फालेपछि पराजित भएको बताए । सुनसरीका प्रशिक्षक श्याम मानन्धले रक्षात्मक खेल्दै काउन्टर एट्याकबाट गोल गर्ने रणनिति सफल भएको बताए ।
व्यक्तिगत पुरस्कार विधा तर्फ पनि सुनसरीकै खेलाडीको बर्चस्व रहयो । प्रतियोगिताका सर्वोत्कृष्ट खेलाडी घोषित भएका सुनसरीका हेमन्त थापा मगरले ३५ हजार रुपैयाँ प्राप्त गरे । ५ गोल गरेका सुनसरीका तीर्थ बस्नेत उच्च गोलकर्ता बने र उनले १५ हजार रुपैयाँ पाए ।
सुनसरीका विवश चौधरी उत्कृष्ट गोल किपर, सोही क्लबका निशान लिम्बु उत्कृष्ट फरवार्ड, मोरङका बुद्धिमान राई उत्कृष्ट मिडफिल्ड, मोरङका सुरेन्द्र खवास उत्कृष्ट रक्षक ,सुनसरीका श्याम मानन्धर उत्कृष्ट प्रशिक्षक तथा आयोजिक फिदिम स्पोर्टिङ क्लबका आकाश राना उदयमान खेलाडी घोषित भए ।
उत्कृष्ट र उदयमानले समान १० हजार रुपैयाँ प्राप्त गरे । फाइनल पछि रेफ्री लव खत्रीलाई पनि सम्मान गरिएको थियो । फिदिम स्पोर्टिङको आयोजतामा पुस ७ गतेबाट सुरु भएको प्रतियोगितामा १० टोलीको सहभागिता थियो ।
September 28, 2024
एजेन्सी – कोल पाल्मेरको ४ गोल सहयोगमा चेल्सीले इङ्ग्लिस प्रिमियर लिग(इपिएल)मा जित हासिल गरेको छ । चौथो जित निकाल्नेक्रममा चेल्सीले ब्राइटनलाई ४-२ ले हराएको हो । घरेलु मैदान स्ट्यामफोर्ड ब्रिजमा शनिबार भएको खेलमा चेल्सीका पाल्मेरले २१औं, २८औं र ३१औं मिनेटमा गोल गर्दै ह्याट्रिक पूरा गरे। खेलमा अगता भने ब्राइटनले लिएको थियो । जर्जिनियो रुटरको गोलमार्फत […]
September 28, 2024
एजेन्सी –इङ्ग्लिस प्रियिमर लिग(इपिएल)को शीर्ष स्थानमा रहेको म्यानचेस्टर सिटीले लगातार दोस्रो बराबरी खेलेको छ । लगातार दोस्रो बराबरी खेल्ने क्रममा साविक विजेता सिटी शनिवार न्युक्यासल युनाइटेडसँग १-१ को बराबरीमा रोकिएको छ । न्युकासलको घरेलु मैदानमा भएको खेलमा सिटीका लागि जेस्को जिभार्डियोल र न्युक्यासल एन्थोनली गोर्डनले गोल गरे । खेलमा अग्रता भने सिटीले लिएको थियो । […]
September 28, 2024
सुमन अधिकारी,बुटवल रुपन्देहीमा जारी ३६ औ झरना रनिङशिल्ड फुटबल प्रतियोगिता अविरल वर्षाका कारण प्रभावित भएको छ । लगातार भएको बर्षाले प्रतियोगिता भैरहेको कुन्जलापुरस्थित फुटबल मैदानमा पानी जमेकोले २ दिनका खेल सञ्चालन हुन सकेका छैन । ‘लगातारको झरिका कारण मैदान पानीले भरिएको छ खेल खेलाउन सकिएको छैन’ आयोजक क्लबका अध्यक्ष धनेन्द्र पौडेलले भने । शुक्रबार रोकिएको […]