लिभरपुल (एजेन्सी) – प्रिमियर लिगको बलियो टोली लिभरपुलले लेस्टर सिटीलाई २-१ ले हराएको छ । लिभरपुलको जितमा फरवार्ड मोहम्मद सालाहले दुई गोल गरे ।

खेलको तेस्रो मिनेटमै लेस्टर सिटीका जेमि भार्डिले गोल गर्दै भ्रमणकारी टोलीलाई अग्रता दिलाएका थिए । तर खेलको खेलको ५२ औं तथा ७६ औं मिनेटमा गोल गर्दै टोलीको जित सुनिश्चित गरेका हुन् ।

यी गोल सालाहको प्रिमियर लिगको १६ औं र १७ औं गोल पनि थिए । यस जितसँगै लिभरपुल तालिकाको चौथो स्थानमा यथावत् छ भने लेस्टर पनि आठौं स्थानमा यथावत् रहेको छ ।

त्यस्तै साविक विजेता चेल्सीले भने स्टोक सिटीमाथि ५-० को शानदार जित हांसिल गर्न सफल भयो । चेल्सीका लागि पहिलो हाफमा एन्टोनियो रुडिगर, ड्यानियल ड्रिन्कवाटर र पेड्रोले गोल गरेका थिए ।

त्यस्तै विलियन र डेभिड जापाकोस्टाले दोस्रो हाफमा गोल गर्दै ३ अंक आफ्नो पक्ष्यमा पारेका थिए । यस जितसँगै चेल्सी युनाइटेडलाई उछिन्दै दोस्रो स्थानमा उक्लेको छ । युनाइटेड केहि बेरमा साउथह्याम्पटनसँग भिड्दै छ ।

त्यस्तै म्यानचेस्टर युनाइटेडले भने साउथह्याम्पटनसँग गोलरहित बराबरी खेलेको छ । यस नतिजासँगै युनाइटेड तालिकाको तेस्रो स्थानमा खसेको छ ।

प्रिमियर लिगका अन्य खेलहरुको नतिजा:

बोर्नमथ २-१ एभर्टन

हडर्सफिल्ड ०-० बर्नली

न्युकासल ०-० ब्राइटन

वाटफोर्ड १-२ स्वान्सी