न्यू यर्क (फर्ब्स) – फर्ब्सले सार्वजनिक गरेको सर्वाधिक कमाउने ल्याटिनो सेलिब्रेटीहरुको शिर्ष १० को सूचीमा लियोनल मेस्सीले अग्रस्थान हासिल गरेका छन् । उक्त सूचीमा ६ खेलाडी पर्न सफल भएका छन् , जस्मद्धे २ फुटबलर , १ बास्केटबल खेलाडी र ३ एमएलएसका खेलाडी छन् ।

ल्याटिनो भन्नाले ल्याटिन अमेरिकीलाई भन्ने गरिन्छ । मुख्यतः स्पेनिस बोल्ने जनसंख्या यस वर्गमा पर्दछन् तर यूरोपेली स्पेनिस भाषा अंगालेका भने यस वर्गमा अटाउँदैनन् ।

फर्ब्सले प्रकाशित गरेको सर्वाधिक कमाउने ल्याटिनो सेलिब्रेटीको सूचीमा लियोनल मेस्सी शिर्ष स्थानमा छन् । फर्ब्सका अनुसार २०१७ मा उनले ८० मिलियन अमेरिकी डलर कमाएका हुन् । त्यस्तै ब्राजिलियन फरवार्ड नेयमार सूचीको पाँचौ स्थानमा अटाएका हुन् । उनको कमाइ फर्ब्सले ३७ मिलियन तोकेको छ ।

त्यस्तै अमेरिकी बास्केटबल खेलाडी कार्मेलो एन्थोनी ३२.५ मिलियन सहित सातौ स्थानमा छन् । बेसबल खेलाडी मिगुएल क्याब्रेरा (३०.३ मिलियन) , अल्बर्ट पुजोल्स(२७.३) र रबिन्सन कानो(२६.६) क्रमशः आठ , नौं र दश स्थानमा छन् ।

सूचीमा अटाएका अन्य सेलिब्रेटीमा पाँचौ स्थानमा जेनिफर लोपेज , चौथौंमा ब्रुनो मार्स , तेस्रोमा अभिनेत्री सोफिया भर्गारा र दोस्रोमा हास्य कलाकार लुइस सिके हुन् ।अर्की परिचित पप गायिका सेलिना गोमेज भने २५ मिलियन कमाएपनि शिर्ष १० मा अटेकी छैनन् ।