7 years ago
December 24, 2017
लेस्टर सिटी (एजेन्सी) – गए राति प्रिमियर लिगमा अंकतालिकाको दोस्रो स्थानमा रहेको म्यानचेस्टर युनाइटेडले लेस्टर सिटीसँग २-२ को बराबरी खेलेको छ । लेस्टरका डिफेन्डर ह्यारी म्यागुएरले खेलको अन्तिम मिनेटमा गोल गर्दै युनाइटेडलाई निराश पारेको हो । त्यस्तै ह्यारी केनको ह्याट्रिकमा टोटनह्याम विजयी भयो ।
खेलको २७ औं मिनेटमा घरेलु टोलीका मुख्य स्ट्राइकर जेमि भार्डिले गोल गर्दै लेस्टरलाई अग्रता दिलाएका थिए । तर जुवान माटाले ४० औं मिनेटमा गोल गर्दै खेल बराबरी पारे ।
माटाले खेलको ६० औं मिनेटमा फेरि गोल गर्दै युनाइटेडलाई खेलमा पहिलो पटक अग्रता दिलाएका थिए । तर म्यागुएरको इन्जुरी समयको गोलले युनाइटेडलाई १ अंकमा चित्त बुझाउन बाध्य बनायो ।
त्यस्तै अर्को खेलमा टोटनह्यामका स्ट्राइकर ह्यारी केनले ह्याट्रिक गर्दै टोलीलाई बर्नलीमाथि ३-० को जित दर्ता गर्न मद्दत गरे । यस जितसँगै टोटनह्याम लिगको पाँचौं स्थानमा उक्लेको छ ।
एकै वर्षमा सर्वाधिक गोल गर्ने सूचीमा ह्यारी केन अहिले दिग्गज एलेन शेयररसँग बराबरीमा छन् । केन र शेयरर दुवैको एक क्यालेन्डर वर्षमा ३६ गोल छ । शेयररले सो रेकर्ड सन् १९९५ मा बनाएका थिए ।
October 3, 2024
सुमन अधिकारी, बुटवल दोस्रो हाफको सुरुवात सम्म रहेको २–० अग्रता जोगाउन नसक्दा गोर्खा ब्वाइज स्पोर्टस क्लब रुपन्देहीमा जारी ३६ औ झरना रनिङ शिल्ड फुटबल प्रतियोगिताको सेमिफाइनलबाट बाहिरिएको छ । बिहीवार प्रतियोगिताको दोस्रो सेमिफाइनलमा आयोजक झरना स्पोर्टस क्लबसँग ३–२ ले पराजित भएसँगै गोर्खा बाहिरिएको हो । झरना स्पोर्टस क्लबले शनिवार हुने फाइनलमा लिस्नु युवा क्लबको सामना […]
October 3, 2024
एजेन्सी – लियोनेल मेस्सीको कप्तानीमा रहेको इन्टर मियामीले सपोटर्स शिल्डको उपाधि जितेको छ। एमएलएस अन्तर्गत बुधवार भएको खेलमा कोलम्बसलाई ३-२ गोलअन्तरले पराजित गरेसँगै मियामीले सपोटर्स शिल्डको उपाधि जितेको हो। एमएलएसमा उत्कृष्ट प्रदर्शन गर्ने टिमलाई सपोटर्स शिल्डको उपाधि दिइने गरिन्छ । यो सिजन राम्रो प्रदर्शन गर्दै शिर्ष स्थानमा रहेको मियामीको यो पहिलो सपोटर्स सिल्ड उपाधि समेत […]
October 3, 2024
एजेन्सी – इङ्ग्लिस क्लब लिभरपुलले च्याम्पियन्स लिगमा लगातार दोस्रो जित दर्ता गरेको छ । घरेलु मैदान एनफिल्डमा बुधवार राति भएको खेलमा लिभरपुलले इटलीयन क्लब बोलोग्नालाई २-० ले पराजित गरेको हो । लिभरपुलको जितमा म्याक एलिस्टर र मोहम्मद सलाहले गोल गरेका थिए । एलिस्टरले ११औं मिनेटमा गोल गर्दै टोलीलाई सुरुवाती अग्रता दिलाएका थिए । सलाहले ६५औं […]